Soma Biblia Kila Siku Septemba 2022Mfano

Hagai anatoa ujumbe wa kumtia moyo Zerubabeli. Huyu alikuwa mzao wa Daudi, wa mbari ya kifalme ya waliokuwa wametawala Yerusalemu. Anafafanishwa na pete ya mhuri, Nitakutwaa wewe, Ee Zerubabeli, mtumishi wangu, mwana wa Shealtieli, nami nitakufanya kuwa kama pete yenye muhuri; kwa kuwa nimekuchagua (m.23). Hiyo ilitumiwa na mfalme kutia sahihi barua na kudhamini agano. Hivyo Zerubabeli ni mteule wa Mungu. Kwa njia yake yeye, licha ya kujenga upya taifa la Israeli, Mungu pia atapindua mataifa yote na kujenga ufalme wake katika ulimwengu wote. Unabii huu ulitimia na kupata maana yake yote katika Yesu aliye Masihi wa mbari ya Daudi.