Soma Biblia Kila Siku Februari/ 2022Mfano

Paulo anatoa sala ya shukrani. Anamshukuru Mungu kwa yale anayoyafanya kwa maisha ya Wakristo wa Efeso (m.15-16,Kwa sababu hiyo mimi nami, tangu nilipopata habari za imani yenu katika Bwana Yesu, na pendo lenu kwa watakatifu wote, siachi kutoa shukrani kwa ajili yenu; nikiwakumbuka katika sala zangu), na anaomba kwamba baraka zilizofafanuliwa katika m.3-14 ambazo Mungu amezitoa, zitatimia kikamilifu katika maisha yao (ukirudia m.17-23, tafuta kuziorodhesha baraka hizo). Hasa Paulo anaomba kuwa watakuwa na uelewa wa kina kuhusu mpango wa Mungu wa wokovu na nafasi yao katika mpango huo. Inawezekana Mungu amefanya mengi katika maisha yako na ya waumini wenzako. Je, wewe huwa unamshukuru Mungu kwa hayo yote na kuwaombea?