Soma Biblia Kila Siku Februari/ 2022Mfano

Kristo alitiwa mhuri kama Masiha na Mungu Baba (Yn 6:27,Mwana wa Adamu ... huyo ndiye aliyetiwa muhuri na Baba, yaani, Mungu). Kwenye msingi huu, waumini waliookolewa na Kristo wametiwa mhuri na Roho Mtakatifu (m.13,Nanyi pia katika huyo mmekwisha ... kutiwa muhuri na Roho yule wa ahadi aliye Mtakatifu). Wakati wa Paulo mhuri ulionyesha umiliki. Waumini ni mali ya Mungu. Mungu ametutia mhuri kwa kutupatia Roho wake ndani ya mioyo yetu kama dhamana (2 Kor 1:22,Naye ndiye aliyetutia muhuri akatupa arabuni ya Roho mioyoni mwetu). Kama alama, kutiwa mhuri huu unamaanisha umiliki wa muumini na Mungu, na uhakika wa wokovu na urithi ule atakaoupokea siku ya ukombozi kamili (4:30,Yule Roho Mtakatifu wa Mungu ... kwa yeye mlitiwa muhuri hata siku ya ukombozi). Je, wewe umeshatiwa mhuri huu?