Kusikia Kutoka Kwa Mungu Kila AsubuhiMfano

Pole na Hisivu

Nami nitawapa moyo [moyo mpya] mmoja, nami nitatia roho mpya ndani yao; nami nitauondoa moyo wa kijiwe [mgumu usio wa kawaida] katika miili yao, nami nitawapa moyo wa nyama [hisivu na yenye kuitika mguso wa Mungu]. (EZEKIELI 11:19)

Katika andiko la leo, Mungu anaahidi kubadilisha mioyo yetu ya mawe na mioyo ya nyama. Kwa maneno mengine, anaweza kubadilisha mtu aliye na moyo mgumu kuwa mtu aliye na moyo mwororo wenye uhisivu.

Tunapompa Mungu maisha yetu, anaweka hisia za mema na mabaya ndani kabisa katika dhamiri zetu. Lakini tukikaidi dhamiri zetu mara nyingi, tunaweza kuwa na mioyo migumu. Hilo likifanyika, tunahitaji kumruhusu Mungu kunyorosha mioyo yetu ili tuwe wahisivu kiroho kwa uongozi wa Roho Mtakatifu.

Nilikuwa na moyo mgumu sana kabla nianze kweli kushiriki na Mungu. Kuwa katika uwepo wake kila mara kulinyorosha moyo wangu na kukanifanya nikawa mhisivu zaidi kwa sauti yake. Bila moyo mhisivu kwa mguso wa Mungu, hatutaweza kutambua nyakati nyingi anapozungumza nasi. Anazungumza kwa upole, kwa sauti ya upole, ndogo au kututhibitishia kwa upole kuhusu jambo.

Mtu aliye na moyo mgumu pia ana hatari ya kuumiza watu wengine bila hata kutojua kwamba wanafanya hivyo, na huhuzunisha moyo wa Mungu. Wale ambao wana mioyo migumu na “kujishughulisha” hatakuwa wahisivu kwa mapenzi au sauti ya Mungu. Mungu anataka kunyorosha mioyo yetu kwa neno lake, kwa sababu moyo mgumu hauwezi kusikia sauti yake au kupokea baraka zingine nyingi anazotaka kutupa.

NENO LA MUNGU KWAKO LEO

Acha moyo wako uwe mwororo na mhisivu kwa sauti ya Mungu.