Zab 103
103
Shukrani kwa Wema wa Mungu
Ya Daudi.
1Ee nafsi yangu, umhimidi BWANA.
Naam, vyote vilivyo ndani yangu
Vilihimidi jina lake takatifu.
2Ee nafsi yangu, umhimidi BWANA,
Wala usizisahau fadhili zake zote.
3 #
Isa 33:24; Mt 9:2; Mk 2:5; Lk 7:47; Kut 15:26; Yer 17:14 Akusamehe maovu yako yote,
Akuponya magonjwa yako yote,
4Aukomboa uhai wako na kaburi,
Akutia taji ya fadhili na rehema,
5Aushibisha mema uzee wako,
Ujana wako ukarejezwa kama tai;
6BWANA ndiye afanyaye mambo ya haki,
Na hukumu kwa wote wanaoonewa.
7Alimjulisha Musa njia zake,
Wana wa Israeli matendo yake.
8 #
Kut 34:6; Hes 14:18; Kum 5:10; Yak 5:11 BWANA amejaa huruma na neema,
Haoni hasira upesi, ni mwingi wa fadhili.
9 #
Isa 57:16; Yer 3:5; Mik 7:18 Yeye hatateta sikuzote,
Wala hatashika hasira yake milele.
10 #
Ezr 9:13
Hakututenda sawasawa na hatia zetu,
Wala hakutulipa kwa kadiri ya maovu yetu.
11Maana mbingu zilivyoinuka juu ya nchi,
Kadiri ile ile rehema zake ni kuu kwa wamchao.
12 #
Isa 43:25; Efe 1:7 Kama mashariki ilivyo mbali na magharibi,
Ndivyo alivyoweka dhambi zetu mbali nasi.
13 #
Kum 8:5; Isa 63:15,16; Mal 3:17 Kama vile baba awahurumiavyo watoto wake,
Ndivyo BWANA anavyowahurumia wamchao.
14Kwa maana Yeye anatujua umbo letu,
Na kukumbuka ya kuwa sisi tu mavumbi.
15Mwanadamu siku zake zi kama majani;
Kama ua la kondeni ndivyo asitawivyo.
16Maana upepo hupita juu yake, kumbe haliko!
Na mahali pake hapatalijua tena.
17 #
Kut 20:6
Bali fadhili za BWANA zina wamchao
Tangu milele hata milele,
Na haki yake ina wana wa wana;
18 #
Kum 7:9
Maana, wale walishikao agano lake,
Na kuyakumbuka maagizo yake ili wayafanye.
19 #
Zab 47:2
BWANA ameweka kiti chake cha enzi mbinguni,
Na ufalme wake unavitawala vitu vyote.
20 #
Mt 6:10
Mhimidini BWANA, enyi malaika zake,
Ninyi mlio hodari, mtendao neno lake,
Mkiisikiliza sauti ya neno lake.
21 #
Mwa 32:2; Dan 7:9 Mhimidini BWANA, enyi majeshi yake yote,
Ninyi watumishi wake mfanyao mapenzi yake.
22Mhimidini BWANA, enyi matendo yake yote,
Mahali pote pa milki yake.
Ee nafsi yangu, umhimidi BWANA.
Iliyochaguliwa sasa
Zab 103: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.