Ç'kemi tjetër: Versioni i StudentitShembull

Trinia



Trinia është një koncept që i referohet personave të Perëndisë. Perëndia është tre në një, një në tre. Perëndia është Ati, Biri dhe Fryma e Shenjtë. Të gjithë janë Perëndi dhe Perëndia është të tre këta, Ati, Biri dhe Fryma.



⏎ Ati është mbikëqyrësi i njerëzimit. Ne shohim prova të kësaj në tërë dhiatën e vjetër të Biblës. Në Dhiatën e Re, Perëndia zbriti nga qielli në formën e një njeriu si Jezusi. Ky është Biri i Perëndisë. Jezusi, Biri i Perëndisë, ishte plotësisht njeri dhe plotësisht Perëndi. Ai ishte përgjegjës për vdekjen mbi kryqin për mëkatet tona. Jeta e Jezusit mund të gjendet në ato që janë quajtur ungjijtë (katër librat e parë në Dhiatën e Re: Mateu, Marku, Luka dhe Gjoni). Pastaj vjen personi i tretë i Perëndisë, Fryma e Shenjtë. Kur ne pranojmë atë që bëri Jezusi mbi kryqin për ne, Perëndia Atë na jep Frymën e Shenjtë, që banon brenda nesh. Fryma e Shenjtë është udhërrëfyesi dhe ngushëlluesi ynë dhe ndërmjetëson te Perëndia për ne. Pasi Jezusi vdiq, u ringjall dhe u kthye në qiell, Fryma e Shenjtë vjen dhe zbulohet në Kishën e parë (menjëherë mbas Ungjijve në Dhiatën e Re).





Ky mund të jetë një koncept i vështirë për t'u kuptuar. Perëndia është pafundësisht i madh dhe i ndërlikuar dhe ne nuk do ta kuptojmë kurrë plotësisht Atë. Thjesht kupto këtë: Perëndia Atë të vështron nga lart, Jezusi vdiq për ty dhe Fryma e Shenjtë jeton në ty dhe të drejton.