60 për të filluarShembull

"Dhe mos lejo të biem në tundim, por na çliro nga i ligu"



Zot, më drejto nga çdo marrëdhënie që do të më pengonte për të qenë gjithnjë e më afër teje. Do të ec në të vërtetë dhe me çiltërsi.



Zot e vesh armatimin e Perëndisë që gjendet në Efesianëve 6:12-18. 1) Brezi i së vërtetës, 2) Parzmorja e drejtësisë, 3) Këmbë të mbathura me ungjillin e paqes, 4) Shpata e frymës, 5) Përkrenarja e shpëtimit dhe lutem në frymën në çdo kohë me çdo lloj lutjeje dhe përgjërimi.



Zot, të kërkoj mbrojtjen që gjendet në Psalmi 91. Unë e di që ti do të më shpëtosh nga çdo kurth dhe fatkeqësi. Unë do të gjej strehë nën hijen e krahëve të tu. Pavarësisht se çfarë e keqe do të jetë duke ndodhur rreth meje, unë nuk do të prekem prej saj. Ti do të urdhërosh engjëjt e tu për mua për të më mbrojtur nga çdo lëndim.



Duke qenë se ti më do dhe duke qenë se unë e pranoj emrin tënd, ti do të më çlirosh. Sepse unë të thërras ty, ti do të më përgjigjesh, do të më çlirosh dhe do të më nderosh. Ti do të më kënaqësh me jetë të gjatë dhe do të më bësh të njohur shpëtimin tënd.