Нийгмийн өөрчлөлтийн тухай Библийн дагуух үзэл бодолЗагвар

Хангалт

Танд тулгарч байсан хүнд хэцүү асуудал, хийх шаардлагатай зүйлийн бодит хэмжээ, хэмжээсийг хараад цөхөрч байсан үеээ та эргэн санаж байна уу? Энэ нь танд ямар санагдаж байсан бэ? Та юу хийсэн бэ?

Миний найз Мариа үүнийг биеэрээ туулсан. Уганда улсад амьдрах түүнд үнэхээр хэцүү байв. Дөрвөн хүүхдийнх нь хамт орхиод нөхөр нь ор сураггүй алга болсон. Тэд сүрлэн дээвэртэй шавар овоохойд амьдардаг байсан бөгөөд өөрийн гэх нэг л ямаатай байжээ. Мариа боломж л гарвал ажилладаг байсан бөгөөд багахан хэмжээний орлого олдог байсан хэдий ч хэзээ ч хангалттай орлого олж чаддаггүй байсан. Түүний гэр бүл нь хэзээ ч гэдэс цатгалан байдаггүй байлаа. Хүүхдүүдийнхээ сургуулийн төлбөрт төлөх юу ч үлдэггүй байсан нь мэдээж.

Нэг өдөр тухайн орон нутгийн сүм дээрх Библи судлалын талаар Мариа сонсжээ. Тэрээр итгэгч биш байсан хэдий ч Библи судлалд хамрагдлаа. Тэрээр Есүс нэг өдөрт таван мянган хүнийг хооллосон талаарх түүхийг сонсоод, өлсөж цангагчдын төлөө Бурхан санаа тавьдаг болохыг ухаарчээ! Бүх хүн өлсөхгүй байхын төлөө дагалдагчид нь хамтарч ажиллахад Есүс хэрхэн урамшуулсан талаар тухайн Библи судлал авч үзсэн. Бусад хүмүүсийн адилаар, хүүхдүүдтэйгээ хамт огт өөр ирээдүйг төлөвлөж эхлэх урам зоригийг Мариа олж авчээ.

Мариа болон түүний гэр бүлийнхэн зарахаар тариа тарьж эхлэв. Улмаар хэдэн тахиа, дараа нь гахайнууд мөн хоёр үхэр худалдан авахад хүрэлцэхүйц мөнгө олжээ. Энэ нь тэдний амьдралд үнэхээр агуу нөлөөг үзүүлсэн: зохистой хооллолт, хувцаслалт, сургуулийн төлбөр, арай дээр орон байр, өвчин эмгэгийг анагаах эм тан.

Мариа өнөөдөр үнэхээр гялалзсан нэгэн болсон. Тэрээр Эзэнтэй үнэхээр ойр алхаж буй бөгөөд түүнд, түүний гэр бүлд хэрэгцээтэй зүйлсээ олж авахад нь Тэр хэрхэн тусалсан гэдгийг нүдээр үзжээ.

Эргэцүүлэн бодох:

Бидний амьдарч буй орчин, бидний өөрсдийн хэрэгцээ дутмаг байдалтай тулгарч буй асуудлуудын талаар бид авч үзэх үед энэ түүхэнд өгүүлэгдэх тодорхой урам зоригийг өгөхүйц зүйл нь юу байна вэ?