Чухал зүйлд орон зай гаргацгаая: Лентийн 5 сүнслэг дадлуудЗагвар

Сүнслэг дадлууд: Мацаг барилт

Таныг “мацаг барих” тухай бодоход юу санаанд нь орж ирдэг вэ? 

Та хүмүүсийг сайн дураараа өлсөж байна гэж төсөөлж байж болох юм. Магадгүй хатсан талхаар амьдралаа залгуулж байгаа ламтанг хүртэл төсөөлж болно. Эсвэл та мацаг барих талаар хэзээ ч бодохгүй байхыг илүүд үздэг хүн байж магадгүй юм...

Есүс цөлд 40 хоног мацаг барьсан. Шавь нартайгаа ярилцсаны үндсэн дээр тэрээр мацаг барилтыг тэд ч мөн адил хийнэ гэж таамаглаж байв.

Гэвч ю бидний амьдралд сэтгэл ханамжтай байгаа зүйлийг шууд арилгах замаар Бурханы дуу хоолойг сонсох орон зайг зориудаар бий болгох нь тааламжгүй байж болно. Ялангуяа манай дэлхий ертөнц баяр баясгаланг магтдаг.

Мацаг барих гурван шалтгааныг энд дурдъя:

Мацаг барих нь биднийг Бурханы оршихуйг мэдэрч чадахгүйд хүргэдэг зүйлсээр өлсгөдөг юм.Энэ нь биднийг амьдралынхаа зарим хэсэгт анхаарлаа хандуулан, шөнийн цагаар наргиж цэнгэх болон олон нийтийн мэдээллийн хэрэгслээр сэлгүүцэх зэргээс холдохыг шаарддаг. Мөн явцын дунд энэ нь хэрэгцээгээ хангахын тулд Есүст найдахыг бидэнд заадаг.

Мацаг барилт нь биднийг дуртай зүйлээсээ татгалзаж, илүү дуртай зүйлдээ орон зай гаргахад тусалдаг. Хэдийгээр хоол хүнс гэх мэт дуртай зүйлээ орхих нь хэцүү, эвгүй санагдаж магадгүй ч энэ нь үнэндээ агуу баяр баясгаланг мэдрэх боломж юм, учир нь бидний хүч чадал Есүсээс ирэх үед л жинхэнэ баяр баясгалан олдог.

Мацаг барих нь ихэвчлэн амжилт гаргахын өмнө байдаг. Мосе 10 хуулийг хүлээн авахдаа 40 хоног мацаг барьсан, Даниел 3 долоо хоног мацаг барьж дараа нь үзэгдэл хүлээн авсан, Есүс 40 хоногийн турш мацаг барьж дараа нь чөтгөрийн уруу таталтыг ялсан. Эдгээр тохиолдол бүрд Бурхан үнэнч золиослолын нөгөө талд тодорхой байдал, хүч чадал, амжилтыг өгсөн.

Хэрэгжүүлэлт: 24 цагийн мацаг барьж үзээрэй. Хэрэв та байнга мацаг бариагүй бол энэ дасгалыг энгийн байлгаарай, зорилго бол дуусгах явдал юм. Хэрэв та мацаг барьж байхдаа ядарч эхэлбэл тэр ядаргаагаа Бурхантай ярилцаж, Түүнийг сонсох боломж болгон хувиргаарай. Мацаг барьж дууссаны дараа энэ хугацаанд таны сэтгэлд хүрсэн бүх зүйлийг бичиж тэмдэглээрэй.