Бидний оронд: Ивээлийн цагаас гаргасан мацаг барилтын тухай чимээгүй цагЗагвар

Гэм зэмгүй Есүсийн үед байсан Фарисайчуудийг өчүүхэн мулгуу бодол санаатайнх нь, өөрсдийгөө зөвтгөн бусдыг шүүдгийнх нь, бас өөрсдийнхөө муу муухай гэм нүгэлдээ сохорсон байдгийнх нь төлөө үзэн ядахад амархан. Есүсийн дагалдагчдийг ихэвчлэн Есүсийн үйлчлэл болон ярьж буй зүйлийг ойлгохгүй мулгуу байгааг нь шоолох амархан. Өнөөдөр муу муухайг үйлдэгчид эргэн тойронд минь дүүрэн байгааг олж харах бас амархан. Та муу муухайг үйлдэгчийг толинд харсан уу? Ром цэргүүд Христийг цовдолсон. Иудейн дээд шүүх Христийг цовдолсон. Ромын хуулийн тогтолцоо, Понтиус Пилат захирагч ч бас Христийг цовдолсон. Исаиа ч бас, мөн бид ч бас. "Тэр үзэн ядагдаж, хүмүүсээр орхигдов. Тэр уй гашууны хүн бөгөөд өвчин зовлонг мэдсэн. Бид нүүрээ Түүнээс нуусан. Тэр үзэн ядагдаж, бид Түүнийг хүндэтгээгүй" (Исаиа 53:3). Тэдгээр бүх гэмт хүмүүсийн төлөө--мөн бидний төлөө--Есүс энэ дэлхий дээр ирэх, төрөх, төгс амьдралаар амьдрах, гэм буруугүй мөртлөө үхэх хэрэгтэй болсон. Энэ нь бидний өмнөөс цусаараа төлсөн түүний золиос юм. Түүний үхлээр дамжуулан Эцэг биднийг "гэм зэмгүй" гэж хэлэх боломжтой болсон. Түүний шархаар, зөвхөн түүний шархаар л бид эдгээгдсэн юм.