ទង្វើនៃការកែប្រែចិត្ដគំរូ

តើបងប្អូនដែលធ្លាប់វង្វេងផ្លូវដែរឬទេ? គ្រានៅវង្វេង គឺជាពេលដែលនាំឲ្យអារម្មណ៍របស់យើងស្មុគស្មាញ ហើយធុញថប់ជាខ្លាំង ដោយហេតុតែបងប្អូនមិនស្គាល់ថាត្រូវទៅតាមផ្លូវណា។ ជាការជាក់ស្ដែង នៅក្នុងស្ថានភាពខ្លះ វានាំឲ្យយើងភ័យខ្លាចថែមទៀតផង។ នៅក្នុងខទី ២៥ លោក ពេត្រុស បានប្រៀបធៀប យើងរាល់គ្នាទៅនឹង សត្វចៀម ក្នុងខណៈពេលដែលយើងកំពុងរស់នៅក្នុងអំពើបាប យើងគឺប្រៀបស្ថិតនៅក្នុងទីវង្វេងហើយដើរខុសផ្លូវដែរ។ យើងមិនបានដឹងថាយើងត្រូវទៅតាមផ្លូវណា ប៉ុន្តែបន្ទាប់ពីពេលយើងបានសារភាពទោសកំហុស និងកែប្រែចិត្ដគំនិតចេញពីអំពើបាបរបស់យើង ហើយទទួលយកនូវការអត់អោនទោសរបស់ព្រះជាម្ចាស់ យើងបានត្រលប់ចូលមកកាន់ហ្វូងចៀម ដែលមានព្រះជាម្ចាស់ជាអ្នកគង្វាលនិងដឹកនាំវិញ។ តើទីកន្លែង (ផ្នែកជីវិត) ណាខ្លះដែលបងប្អូនធ្លាក់វង្វេងជាញឹកញាប់? ប្រហែលជាបងប្អូនព្យាយាមស្ថិតនៅក្នុងមាគ៌ារបស់ព្រះជាម្ចាស់ ប៉ុន្តែបន្តដួលធ្លាក់ទៅក្នុងសេចក្ដីល្បួងម្ដងម្កាល ដោយហេតុតែ អំពើបាបមួយចំនួនក្នុងជីវិត ជាអ្វីដែលបងប្អូនចូលចិត្ដធ្វើ។ ចូរសារភាពទោសកំហុសនោះទៅកាន់ព្រះជាម្ចាស់។ ចូរកែប្រែចិត្ដគំនិតនៅថ្ងៃនេះ ហើយទូលសូមឲ្យព្រះជាម្ចាស់ជួយដល់បងប្អូននៅក្នុងការវាយយកជ័យជំនះទាំងស្រុង នៅលើអំពើបាបទាំងនោះ។