Eliseus: Hanes Ffydd AnhygoelSampl

Mae stori Eliseus yn dechrau yn Brenhinoedd 19:14-21 pan mae Duw yn dweud wrth Elias i eneinio Eliseus fel y proffwyd i gymryd ei le. Yn y darn hwn dŷn ni'n darllen fel mae Elias yn dod o hyd i Eliseus yn aredig mewn cae gyda phâr o ychen ac ar unwaith yn taflu ei glogyn drosto fel gwahoddiad i'w ddilyn. Mae Eliseus yn ufuddhau ar unwaith ac yn llosgi ei aradr a choginio'r ychen a'u rhoi i'w ffrindiau i fwyta. Dangosodd Eliseus ymddiriedaeth anhygoel tuag at Elias. Wastraffodd e ddim amser mewn ufuddhau. Aeth e ddim i ffwrdd i feddwl am y peth. Wnaeth e ddim sgwennu rhestr o'r manteision ac anfanteision. Wnaeth e ddim chwarae'n saff. ddwedodd e iawn i alwad Duw drwy Elias.



Mae ymddiriedaeth anhygoel Eliseus yn dangos fod y gost o ddilyn Duw yn enfawr, ond mae'r gost o beidio ei ddilyn yn fwy fyth. Yn fwy na hynny roedd ymddiriedaeth Eliseus yn gyflawn. Llosgodd ei aradr, lladd ei ychen, a gadael etifeddiaeth ei deulu ar ôl. Gadawodd bopeth oedd yn gyfarwydd iddo ac yn ei garu ar ôl. Mae Eliseus yn dangos, i gamu at dy dynged mae angen camu i ffwrdd oddi wrth sicrwydd. Ydy dy ymddiriedaeth di yn Nuw yn ddi-oed a chyflawn fel Eliseus? Tybed pa fath o sicrwydd fyddai rhaid i ti ei adael ar dy ôl er mwyn cerdded at dy dynged?