LEVITIKU 12
12
Kapitlu 12
L-inġiesa tal-ħlas
1U l-Mulej kellem lil Mosè u qallu:#Lq 2,22-38. 2“Kellem lil ulied Iżrael u għidilhom: ‘Meta mara titqal u tiled tifel tibqa’ mniġġsa għal sebat ijiem#12,2: Tibqa’ mniġġsa għal sebat ijiem: jiġifieri ma tkunx tista’ tieħu sehem fil-kult. Din l-għażla bejn imniġġes u safi jew nadif insibu f’diversi każi, sew fost il-Lhud sew fost popli oħra, primittivi jew avvanzati. Din l-inġiesa, bħall-qdusija (ara Lev 6,11), kienet tittieħed minn persuna jew oġġett għal ieħor jekk kienu jmissu ma’ xulxin (ara Lev 15,4-19). Kull inxija mill-ġisem kienet tniġġes lill-persuna li tkun. Fil-każ tal-inxija sesswali, normali jew mhix, leċta jew illeċta, kienet tniġġes lill-persuna, raġel jew mara, li tkun. Jista’ jkun li din l-idea ġejja mill-fatt li, għall-bniedem primittiv, il-qawwa u l-forza sesswali ġejja mill-preżenza fl-individwu ta’ spirti li jkunu ħaduh taħt il-ħakma tagħhom, u sakemm ikun f’din il-ħakma ma jistax jersaq lejn Alla. Il-mara fix-xahar tagħha, fl-att sesswali (u hawn ir-raġel ukoll), u fit-twelid tat-tarbija tagħha, tkun f’dan l-istat, u ma kinitx tista’ tieħu sehem fil-kult qabel ma tkun għaddiet minn ċerimonja ritwali apposta ta’ purifikazzjoni., bħal meta tkun imniġġsa fi żmienha.#Lev 15,19. 3U fit-tmien jum tinħaten it-tarbija;#Ġen 17,10-14; Lq 1,59; Ġw 7,22. 4u l-omm iddum tlieta u tletin jum oħra biex tissaffa minn demmha; ma tmiss xejn li hu mqaddes, u ma tidħolx fis-santwarju, sakemm ma jgħaddix żmien it-tisfija tagħha. 5U jekk tiled tifla, iddum imniġġsa għal ġimagħtejn, bħal meta tkun fi żmienha, u sitta u sittin jum ieħor biex tissaffa minn demmha. 6U meta jgħaddi żmien it-tisfija tagħha, għal tifel jew għal tifla, iġġib ħaruf ta’ dik is-sena għas-sagrifiċċju tal-ħruq, u beċċun ta’ ħamiema jew gamiema għas-sagrifiċċju tal-purifikazzjoni u tagħtihom lill-qassis quddiem il-bieb tat-tinda tal-laqgħa. 7U joffrihom quddiem il-Mulej, u jagħmel l-espjazzjoni għaliha u tissaffa mit-tnixxija ta’ demmha.
“Din hi l-liġi għall-mara li tiled tifel jew tifla. 8U jekk hi ma tlaħħaqx biex tagħti ħaruf, tieħu żewġ gamimiet jew żewġt ibċieċen tal-ħamiem, wieħed għall-ħruq u l-ieħor għas-sagrifiċċju tal-purifikazzjoni, u hekk il-qassis jagħmel l-espjazzjoni għaliha u tissaffa.”#Lev 1,14; 5,7.
Currently Selected:
LEVITIKU 12: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.