YouVersion Logo
Search Icon

Sálmarnir 42

42
Önnur bók
1Til söngstjórans. Kóraítamaskíl.#42.1 Maskíl merkir e.t.v. spekiljóð. Kóraítar (þ.e. „synir“ Kóra), Asaf, Heman og Etan, voru söngmannaflokkar, söngvaragildi í musterinu í Jerúsalem. 42.–49. sálmur eru safn sálma sem er sérstaklega tengt Kóraítum um flutning. Kóraítasálmar og Asafssálmar eru söfn sálma tengd söngmannaflokkum Levíta í musterinu. Sjá 1Kro 16.41−16.42; 25.1−25.2; 2Kro 5.12−5.14.
2Eins og hindin þráir vatnslindir
þráir sál mín þig, ó Guð.
3Sál mína þyrstir eftir Guði, hinum lifanda Guði,
hvenær mun ég fá að koma og sjá auglit Guðs?#42.3 Önnur hugsanleg þýðing: Hvenær mun ég fá að birtast fyrir augliti Guðs?
4Tár mín urðu fæða mín dag og nótt
því að daglangt var ég spurður:
„Hvar er Guð þinn?“
5Ég bugast af sorg er ég minnist þess sem var
þegar ég fór fyrir fylkingunni,
fór fyrir þeim sem héldu að húsi Guðs,
með gleðihrópum og lofsöng
í fagnandi hátíðarskara.
6Hví ert þú buguð, sál mín, og ólgar í mér?
Vona á Guð
því að enn mun ég fá að lofa hann,
hjálpræði auglitis míns og Guð minn.
7Sál mín er beygð í mér,
því vil ég minnast þín
frá Jórdanar- og Hermonlandi,
frá litla fjallinu.#42.7 Höfundur 42.–43. sálms er staddur við upptök Jórdanar og fossa þeirra nálægt Hermonfjalli og minnist með söknuði helgidómsins í Jerúsalem. Þar virðist hann hafa gegnt embætti en er sennilega í útlegð. „Litla fjallið“ er óþekkt.
8Eitt djúpið kallar á annað
þegar fossar þínir duna,
allir boðar þínir og bylgjur
ganga yfir mig.
9Um daga býður Drottinn út náð sinni
og um nætur syng ég honum ljóð,
bæn til Guðs lífs míns.
10Ég segi við Guð, bjarg mitt:
„Hví hefur þú gleymt mér?
Hví verð ég að ganga um harmandi,
kúgaður af óvinum?“
11Háð fjandmanna minna
nístir mig í merg og bein
þegar þeir segja allan daginn:
„Hvar er Guð þinn?“
12Hví ert þú buguð, sál mín, og ólgar í mér?
Vona á Guð
því að enn mun ég fá að lofa hann,
hjálpræði auglitis míns og Guð minn.

Currently Selected:

Sálmarnir 42: BIBLIAN07

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy