Jɔn 6
6
1Ɣɔn e kaake cok ke Yecu tem e bar lɔŋti de Galili, man ye bar de Tiberia. 2Ku dun diit de kɔc akuany yecok ne ŋem cik kek ye ŋem ne loi ciit cen ke cɔk dem ne bec. 3Go Yecu lɔ ne kuur dit nom, ku nyuuc kene kɔckek piocke. 4Ku ret, miɛth diit de Judai, ee thiɔk. 5Na ye Yecu ye jɔt enyin ku ye ŋem dun diit bɔ enɔŋ en, go Pilip yɔɔk, Ye buk monoi ɣɔɔc eno bik ke cam? 6Ee luel yeya them en en: ku yen e guɔpde ee nyic ke bi loi. 7Go Pilip dhuk, Ye monoi ke denariɔn thiɛrbɛt aace ke leu, bi raan ebɛn kethi ya loom. 8Go ran toŋ de kɔckek piocke, Andereya, manhe ne Thimon Petero, yɔɔk, 9Ye dhuk eke anɔŋ monoi ke raau keedhiec, ku rec thii keerou: ku yeke kaŋo enɔŋ keekɔc juecke? 10Go Yecu jam, Ye caeke nyuc piiny. Yepinye ee nɔŋ noon dit. Go kɔc nyuc piiny, ciinden ee ye bianabur dhiec. 11Go Yecu monoi loom, ku leec Nhialic, ku tek ke kɔcpiocke bik ke lɔ yiɛn kɔc ci nyuc piiny; ku ber rec loi yeya, agut te cik kek ke thɔŋ. 12Te cik kek kuɛth, go kɔckek piocke yɔɔk, Ye kuanyka thethuei cike both, a cin ke mar. 13A goki ke kuany ne thiaŋ akup keethiɛr ku rou, thethuei ke monoi ke raau keedhiec cike both ke kɔc eke ciɛm. 14Na ci keekɔcke ci kegɛi kek ŋem ne cii Yecu loi, goki jam, Yi kee nebi neyic, nebi ne bɔ ne piny nom.
15Te ci Yecu ke ŋem e ke bi bɛn ku bik kuak piny ne riɛr, bik cɔk ye melek, go leu wei te de kuur ku lee rɔt week.
16Ɣɔn thei ke kɔckek piocke lɔ ne bar lɔɔm, 17ku leki riɛi, teemki bar Kapernaum. Ku ci piny cuɔl, ku ken Yecu guɔ ɣeet enɔŋ ke. 18Ku nɔŋ baric amak ne puɔt diit de yom. 19Na cik riai gɛɛr te cit mail keediak, e ke ŋem Yecu ne cath ne piu nhiim, bii te de riai: goki riɔc. 20Go ke yɔɔk, Ye kee ɣa, duɔke riɔc. 21Goki piɔth naŋ cɔkki bɔ riɛi: go riai guɔ ɣet piny e ler kek elantoŋtɛi.
22Ɣɔn miak ke dun dit kaac ne bar lɔŋti ŋemki ke cin rian dɛ eeti, a ye toŋ ci kɔcpiocke kɛɛc thin yetok, ku ken Yecu kɛɛc riɛi ke ke, aa kɔcpiocke eke jiɛl kepɛc; 23(ku riɛth kɔk aa bɛn ne Tiberia thiak kene te ciɛm kek monoi te ci Bɛnydit leec:) 24na ci duut ye ŋem ke Yecu liu, agut kɔcpiocke, e ke kɛɛc ne riɛth yic ku biki Kapernaum, kɔrki Yecu. 25Na cik ye yok ne bar lɔŋti, goki yɔɔk, Yi Rabi, ne yin bɔ etene naa? 26Go Yecu dhuk jiɛm, Ye we ya yɔɔk neyic, Ya we ci ɣa ye kɔɔr ne cit cake ŋem, we ye ɣa kɔɔr ne cam ci we monoi cam a cak kuɛth. 27Duɔke ye lui bak miɛth ye luɛl ya loom, yaka lui ne miɛth ye ceŋ ne piir athɛɛr, bi Wen de raan yiɛn week: yen man ci Wun nyuɔth ne ye yic. 28Goki yɔɔk, Yi yeŋo buk ya dhil ne luɔi, buk ya lui ne luɔi de Nhialic? 29Go Yecu dhuk jiɛm, Ye luɔi de Nhialic eke, abak ya gam yen man ci tuɔc. 30Goki yɔɔk, Yi ye ciɛn ŋo ye nyuɔth, buk ŋem ku buk yi gam? Yeŋo ye loi? 31Kuarkuɔ aake ye mana cam ɣɔn rokic; ci gar cene e gɔɔr, Ye kaayiɛn miɛth ne bɔ bei nhial bik cam. 32Go Yecu ke yɔɔk, Ye we ya yɔɔk neyic, Ya kacie Mothe yene ye we yiɛn mono ne bɔ bei nhial; ee Awa yenekee we yiɛn mono yic ne bɔ bei nhial. 33Mono de Nhialic yenekee bɛn piny nhial, ku ye piny nom yiɛn piir. 34Goki yɔɔk, Yi Bɛnydit, ye wɔ yiɛn yemonone agut awɛdɛ. 35Go Yecu ke yɔɔk, Ye an e cuin de piir: ran ye bɛn enɔŋ ɣa ace bere ya nɔk e cɔk; ku ran ye ɣa gam ace ber kan ya yal. 36We ca yɔɔk, Ya we ci a ŋem ku cak ɣa ye gam. 37Ke ye Awa yiɛn ɣa ebɛn abi ya bɛn enɔŋ an, ku ran ye bɛn enɔŋ an acaa ciec wei. 38An e ce bɔ piny nhial, ba ke de apiɔu ben ya loi, ee ke de piɔn de yen man ci a tuɔc. 39Ku yekene ee piɔn de yen man ci a tuɔc, ye keriɛc ebɛn ci yiɛn an, acin ke ba muɔr, aba jɔt ne kol ciɛn. 40Yekene ee ke de piɔn de Awa, bi raan ebɛn ye Wa ŋem, ku ye gam, bi ya naŋ piir athɛɛr; ku kaba jɔt ne kol ciɛn.
41Go Judai goki luum, ne jam cen jam, Ye an e cuin ne bɔ piny nhial. 42Ku jamki, Yi cii ye Yecu yekene, wen de Jothep, man nyic wɔ wun ku man? Ku yeŋo jiɛm en emane, Ye an ee bɔ piny nhial? 43Go Yecu dhuk yook keek, Ye duɔka ɣa lum ne roth. 44Acin ran leu bɛn enɔŋ a, te cin Awa, man ci a tuɔc, yene cɔk ye bɔ: ku kaba jɔt ne kol ciɛn. 45Ee gɔɔr ne nebii, Ya kaabi piɔc ne Nhialic kedhia. Raan ebɛn ci piŋ enɔŋ Awa, ku ci pioc, ee bɛn enɔŋ a. 46Acin ran ci Awa ŋem, ee yen man e bɔ bei enɔŋ Nhialic, yeneka ci Awa ŋem. 47We ya yɔɔk neyic, Ya ran ye gam ee naŋ piir athɛɛr. 48An e cuin de piir. 49Kuarkuɔn aa mana cam rokic, ku thouki. 50Yekene ee cuin ye bɛn piny nhial, bi raan bi ya cam ku cii thou. 51An e cuin ye piir ci bɛn piny nhial: na ye raan yecuine cam, e kabi ya piir athɛɛr, ku cuin ba ya gam ee riiŋdie, ne piir bi kɔc ke piny nom ya piir.
52Go Judai goki ter ne roth, jamki, Yi bi yerane wɔ leu ne yin riiŋde buk cuet yede? 53Go Yecu ke yɔɔk, Ye we ya yɔɔk neyic, Ya na cak riiŋ de Wen de raan ye cuet ku yaka riɛmde dek, ke we cin piir ne weyic. 54Ran ye riiŋdie cuet, ku ye riɛmdie dek, ee naŋ piir athɛɛr; ku kaba jɔt ne kol ciɛn. 55Riiŋdie ee miɛth yic, ku riɛmdie ee kan yic de dek. 56Ran ye riiŋdie cuet, ku ye riɛmdie dek, ee ceŋ ne ayic, ku ciɛŋ ne yeyic. 57Acit man ci Awa ye piir ɣa tooc, ku ya piir ne Awa; yenekee cɔɔk de ran ye ɣa cam, abi piir ne ɣɛn eya. 58Yekene ee cuin ci bɛn piny nhial: aci cit ke e ye kuarkuɔn cam, ku cik thou: ran ye yecuine cam abi ya piir athɛɛr. 59Keekake aake luelke ɣon ye guɛɛr, te yen pioc ne Kapernaum.
60Na ci kɔc juec keek piocke yekene piŋ, e ke jam, Yi yejame kee jam rir; ŋa bi ye leu ne piŋ? 61Go Yecu nyic ne yepiɔu ke kɔckeek piocke lum ne ekene, ku yook ke, Ye ye yekene we cɔk kɔth? 62Abak ŋo tak, te ŋem we Wen de raan ne dhuk nhial teden e ceŋ? 63Ee wei yenekee kaŋ cɔk piir; riiŋ acin ke leu: wel cake lɛk we, keeka ye wei, ku yiki piir. 64Kɔc kɔc ke week aacie gam. Ee nyic Yecu ɣɔn gɔce kaŋ kɔc bi ye ya rɛɛc, ku kɔc bi ye nyiɛn. 65Go jam, Ye yekene ee ca lɛk we, Ya kacin ran ye bɛn leu enɔŋ ɣa, te kene ye yiɛn a ne Awa.
66Yekene acii kɔc juec keek piocke dhuk ciɛn, ku cik ber cath kene ye. 67Go Yecu thiɛr ku rou yɔɔk, Ye bak lɔ eya? 68Go Thimon Petero dhuk, Ye Bɛny, loku tenɔŋ ŋa? Yin nɔŋ wel ke piir athɛɛr. 69Ku yin cuk gam, yin yeku nyic, ke yin ye Toŋ Lajiŋ de Nhialic. 70Go Yecu dhuɔk e. Ye kɛn we lɔc, we thiɛr ku rou, ku ye ran toŋ de week e ye jɔŋ rac? 71Ajam ne Judath, wen de Thimon Yithkariɔt: ee yen eke bi ye nyiɛn, yen toŋ de thiɛr ku rou.
Currently Selected:
Jɔn 6: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940