LATE 103
103
Pasian hoina phatna
David phatna la.
1Aw ka hinna Mangpa phat in,
ka sunga umte zousie aw!
Amin siengthou phat un.
2Aw ka hinna, Mangpa phat inlen,
phattuomna ahing bawlpieh zousie manghil vawt sin.
3Aman na khelnate zousie angaidam a,
na natna zousie asudam hi.
4Aman manthaina kokhuh apat in na hinna atandoh a,
Itna tulngailou leh khotuona ahing khusah hi.
5Na kam silhoi in ahing taisah a,
tuachi’n na khangdawnna khu muvanlai banga siemtha in a um kia zel hi.
6Mangpa’n suhgentheina thuohte zousie a dingin,
dihtatna leh thudih in vai ahawmpieh ding hi.
7Aman alampite Mosi kungah atheisah a,
asil bawlte Israelte kungah atheisah hi.
8 #
Jak. 5.11
Mangpa khu lainatsiem leh hepisiem ahi a,
lungthah bailou leh khotuona hau ahi.
9Aman eite ahing phawhthop ngitnget sih dinga,
alungthah ngitnget sih ding hi.
10Aman ikhelnate dungzui in itungah nna asem sih a,
gitlounate dungzui in ahing thuh sih hi.
11Aziehpen vante leitung sanga asan zawh bangin;
A khotuona khu ama giing mite a dingin alien mama hi.
12Suolam leh tumlam akigamlat bangin,
Aman itawnkhelnate eima akipat akoimangta hi.
13Pa in tate ahepi bangin,
Mangpa’n Ama giing mite ahepi ngitnget hi.
14Aziehpen Aman itahsa pumpi kisiem dan athei a,
leivuigiap ihi dan zong athei ngitnget hi.
15Mihing pen adam sung nite hampa bang bep ahi a,
gamlah a pahpe pah bangin ahing pah lun hi;
16Aziehpen hui in a mut chiengin aleengmang pai ua,
a umna mun nangawn a kithei nawnsih hi.
17Hinanleh Mangpa khotuona khu ama giingte tungah,
kumtawn akipat kumtawn tanin a umden dinga;
tualeh adihtatna zong atu khang ata khang tan in a umden ding hi.
18A thuhun zui poumate leh athupiehte zui tum a theizingte kungah.
19Mangpa’n vantungah aleengtouna asudet a,
A leenggam in zong bangkim tungah vai ahawm hi.
20Nou athu ngaikhie a athu mang,
hatna thupi nei Vansawlsiengte aw,
Mangpa phat un.
21Nou agalkapte zousie leh nou adeilam bawl a,
Ama nasemte zousie aw,
Mangpa phat un.
22Ama vaihawmna mun phot a,
Asilbawl zousiete aw,
Mangpa phat un;
Aw ka hinna Mangpa phat in.
Currently Selected:
LATE 103: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.