Grief Bites (Укусы журбы): Сумненьне выяўленаУзор

Калі чалавек перажывае скруху (ці страту), у яго зьяўляецца гэткае знаёмае пачуцьцё…але шмат якія людзі ня здолеюць дакладна апісаць яго.



Гэтае пачуцьцё апаноўвае сумуючае сэрца, але яно такое тонкае, што шмат якія людзі нават і не ўсьведамляюць, як глыбока яно садзіць сябе пад карані іхняй душы.



Сумнеў.



Аднойчы, калі я перажывала надзвычайна вялікі душэўны боль, я не магла зразумець, чаму я ўсё яшчэ моцна жадала Бога, Ягонай Волі і Ягоных шляхоў…але тым ня менш не атрымлівала сапраўднай асалоды ад Яго ці ад Яго Слова.



Я была няўважлівай кожны раз, калі я малілася або чытала Біблію.



Калі я памалілася Богу, жадаючы пераадолець тую застойную апатыю, што перашкаджала, Ён паказаў мне, што маёй галоўнай праблемай была не няўвага…і не апатыя. Мая няздольнасьць засяродзіцца і сядзець нерухома таксама ёй не была.



Маёй галоўнай праблемай быў сумнеў.



Я не сумнявалася ў Божай дабрыні. Я ўсім сэрцам ведала, што Ён ЁСЬЦЬ добры. Нягледзячы на тое, што я перажывала вялікія страты, Ён заўсёды даваў мне так многа ласкі бачыць Ягоную дабрыню штодзень.



Я не сумнявалася ў Божай любові…Я ведала, што Ён ЁСЬЦЬ любоў, і што ўся любоў ідзе ад Яго. Кожны з нас у любы момант можа паглядзець навокал і ўбачыць цудоўныя доказы Ягонай вялікай любові, якая сапраўды дзівіць.



Бог паказаў мне, што я сумнявалася не ў Ягонай ЗДОЛЬНАСЬЦІ дзеяць у маім жыцьці…а ў Ягоным ЖАДАНЬНІ дзеяць у маіх абставінах.



Я сумнявалася ня ў тым, што Бог мог зрабіць…а ў тым, ці захоча Ён нешта зрабіць.



Колькі з нас сёньня маюць сумневы?

Колькі з нас думаюць, што мы ня вартыя таго, каб Бог дзеяў за нас?

Колькі з нас сумняваюцца ў Божай шчырасьці?



Калі мы маем сумневы, мы ня можам дазволіць сабе спадзявацца на нашыя сэрцы, нашыя думкі або нашыя пачуцьці…мы мусім правяраць нашыя думкі і пачуцьці, і вучыць нашыя сэрцы спадзявацца на Бога, каб пераадолець сумнеў.



Калі вы змагаецеся з сумневам, гэты плян чытаньня для вас.



Пачнем з таго, што папросім Бога дапамагчы нам пераадолець наш сумнеў (сумневы) і дапамагчы нам у кожнай сытуацыі, у якой мы сумняваемся.



У наступныя 7 дзён мы паспрабуем зразумець, дзе ляжыць корань нашага сумневу. Далучайцеся!