7 рэчаў, якія Біблія кажа пра гадаваньне дзяцейУзор

Мы павесілі адзін біблійны верш у сынавым пакоі перад тым, як прывезьлі яго дадому са шпіталя, і чытаем яго штоноч, кладучы сына спаць. Гэны верш нагадвае нам пра пакліканьне й адказнасьць, што Бог даў нам як ягоным бацькам.

Наш асноўны бацькоўскі абавязак - гэта закласьці падмурак веры ў нашых дзецях. Незалежна ад таго, ці падабаецца нам гэта, ці не, мы штодня малюем карціну веры для нашых дзяцей. Кожнае слова, кожны ўчынак і кожная рэакцыя - гэта штрых пэндзьля. У бацькоўскім жыцьці, намаляваць дасканалую карціну штодня можа быць вельмі складанай справай. Ці то прачынацца сярод ночы пад крык дзіцяці, ці то намагацца прывучыць малога да гаршчку, ці то дапамагаць з хатнімі заданьнямі або са школьнаю дзейнасьцю, ці то шукаць ключы да машыны, быць бацькамі - цяжкая справа. Мы мусім памятаць, што Бог не чакае, каб мы рабілі ўсё адны - Ён любіць нашых дзяцей нават болей, чымся мы любім іх!

Вось два простыя спосабы паказаць вашым дзецям дарогу да Бога.

1. Малецеся з вашымі дзецьмі ды за вашых дзяцей. Штодня. Рэгулярная малітва зьяўляецца істотнай дзеля таго, каб закласьці падмурак веры ў вашых дзецях. Малецеся з вашымі дзецьмі, а таксама за іх. Штодзень. Ніколі не кідайце маліцца за вашых дзяцей. Не дазваляйце, каб іхныя цяперашнія абставіны зацьмявалі Божую сілу. Нават калі вашае дзіцё цяперака ўцякае ад Бога, Ён заўжды знаходзіцца толькі за адну малітву ад іх. Малітва можа перамяніць усё.

2. Не рабеце тое адны. Адна афрыканская прыказка кажа, што на гадаваньне дзіцяці патрэбна цэлая вёска. Неабходна, каб у вашым жыцьці былі людзі, якія могуць дапамагчы вашым дзецям абраць правільную дарогу. Хадзеце ў царкву ўсёй сям’ёй. Служэце там усёй сям’ёй. Далучэцеся да хатняе групы, дзе ёсьць людзі, у якіх вы можаце знайсьці падтрымку, гадуючы дзяцей. Нам вельмі патрэбныя іншыя людзі, і глыбокія адносіны, заснаваныя на веры, зьяўляюцца надта важнымі як дзеля вас, так і дзеля вашых дзяцей.

Пачаць інвэставаць у веру вашых дзяцей ніколі не запозна і не зарана. Вызначце траекторыю веры для вашых дзяцей ды пачнеце паказваць ім дарогу да Бога зараз.

Тод Дабэрстайн,
кіраўнік вытворчасьці YouVersion