Адвэнт: Хрыстос ідзе!Узор

Адвэнт – гэта чатырохтыднёвы пэрыяд хвалюючага чаканьня, якое сьвяткуюць па ўсім сьвеце. Гэта час падрыхтоўкі нашых сэрцаў убачыць нашага Збаўцу, Мэсію, пра якога пісалі прарокі. Гэта час разважаньня ды навучэньня нашых дзяцей пра Ісусава звышнатуральнае нараджэньне, жыцьцё, сьмерць ды ўваскрэсеньне. Хай гэты пэрыяд дапаможа нам паразважаць над тым, што было зроблена, і падрыхтуе нас да надыходзячага году чаканьня й гатовасьці да Яго наступнага зьяўленьня!



ЗАПАЛЕЦЕ СЬВЕЧКУ



Мы чакаем Мэсію!

Патлумачце адвэнт вашай сям’і ды заплянуйце час, каб зьбірацца разам кожны дзень адвэнту. Зрабеце 25 засечак або метак на высокай сьвечцы ды напішэце (маркерам) нумары 1-25 побач з кожнай засечкай. Запальвайце сьвечку штовечар, адкрываючы Божае Слова самастойна або разам зь сям’ёй, а сьвечка хай гарыць да наступнае засечкі.



ПРАЧЫТАЙЦЕ ЎРЫВАК ЗЬ БІБЛІІ



Божы запавет са створаным сьветам ды чалавекам

Быцьцё 1:27-28, 2:16-17 ды Ераміі 33:19-22



АДГУКНЕЦЕСЯ ХВАЛОЙ



Пакланяйцеся Богу вашым жыцьцём

Бог заўсёды выконвае Свае абяцаньні. Ягонае Слова пэўнае. Ці давяраеце вы Яму?

А як наконт вашых словаў? Ці выконваеце вы свае абяцаньні?

Ці вы заўсёды кажаце тое, што маеце на думцы, і маеце на думцы тое, што кажаце?



Пакланецеся Богу ў малітве

Скарыстайцеся Сьвятым Пісьмом, каб праславіць, выспаведацца, пакланіцца ды падзякаваць Богу.



Праслаўце Бога сьпевам

Прасьпявайце «Усё стварэньне нашага Бога й Валадара» (анг. «All Creatures of Our God and King»)