Перапоўнена маімі дабраславеннямі (Частка 3)Узор

Такім чынам, сёння панядзелак. Або набліжаецца свята, бо проста цяжкі дзень на працы ці ў хаце з дзецьмі. Ты ўжо баішся гэтага. Я была ў такі абставінах шмат разоў. Быць мамай цяжка.

Магчыма, твой муж недзе паехаў або хворы ў хаце. Або табе трэба сустрэцца са сваёй мамай. Або пара вяртацца на працу. Або твае дзеці прачнуліся і пачаўся твой цяжкі дзень. Або падлетак выводзіць цябе з сябе.

Здагадайся, хто стаіць побач з табой у такі час? Так. Твой вораг. Ён ведае, на якія кнопкі націснуць, ведае твае слабыя месцы. Ён любіць страх. Ён стаіць побач, каб пераканацца, што ты расчараваная, пазбаўленая ілюзій і збянтэжаная. Бачыце надахопы? Ён хоча пасунуць цябе з твайго паста.

Твой пост і месца былі дадзены табе тваім Творцам. Ён ведаў правільнае месца на зямлі і ідэальны час у вечнасці, каб змясціць цябе так, каб ты магла прынесці Яму найбольшую славу. Ведаеш што? Гэта проста зараз! Там, дзе ты знаходзішся. Менавіта ў тым, што ты робіш. Гэта значыць быць мамай, жонкай, дачкой, сяброўкай.

Калі вораг зможа пасунуць цябе з гэтага месца і прынесці туды страх, ён перамог. Ён пасунуў цябе з таго месца, куды Бог паставіў цябе, і прынёс разчараванне ў тваё сэрца. Бог паставіў цябе сюды для СВАЁЙ славы!

Можа быць, менавіта наш страх стрымлівае Божую сілу ў нашых цяжкіх сітуацыях? Ці можам мы замяніць гэты страх чаканнем, верачы, што Ён - гэта ўсё, што нам трэба, і Ягоная сіла выяўляецца нават ў нашых слабасцях?

Ці можа Ягоная сіла ўнутры нас зрабіць больш, чым мы нават маглі б падумаць або ўявіць, калі мы перастанем баяцца і дазволім Яму дзейнічаць і паказаць Сваю магутнасць?

О, Ойча. Страх перад тым, што будзе, перапаўняе мае думкі і адбіваецца на маіх паводзінах. Мае страхі стрымліваюць Тваю сілу ў маім сэрцы Я хачу не стаяць у цябе на дарозе і дазволіць Табе ісці перада мной. Я хачу замяніць страх на чаканне ўсяго таго, што я ведаю, што Ты можаш зрабіць у гэтым месцы ў гэты час. Дапамажы мне глядзець на Цябе, чакаць Цябе, ведаць, што Ты робіш Сваю працу, нават тады, калі я гэтага не бачу. Я ўкладваю сваю руку ў Тваю, ведаючы, што супраціў Табе - гэта менавіта тое, чаго жадае мой вораг. Дапамажы мне супрастаяць яму, выбіраючы Цябе. Я з нецярплівасцю чакаю і радуюся таму, што адбудзецца!