Перапоўнена маімі дабраславеннямі (Частка 1)Узор

Яго ласкі дастаткова? Для нашых стомленых вушэй гэта гучыць, як рэлігійнае клішэ або банальнасць. Але гэта ісціна і сіла для нас, калі мы прымем гэта. (Павел ведаў; прачытайце яго аповед у кантэксце). Божай ласкі дастаткова для кожнай складанай сітуацыі, з якой мы калі-небудзь сутыкнёмся, нават калі гэта падаецца немагчымым.

У кожнага ёсць выбар. Мы можам супраціўляцца і змагацца з нашымі сітуацыямі або можам прыняць тое, што Бог даў нам. Вось адказ: мы не атрымаем Ягоную ласку, пакуль не змірымся і не прызнаем, што мы не можам справіцца з гэтым самастойна, незалежна ад таго, чым з'яўляецца наша "гэта".

Тваім "гэта" можа быць хатняе навучанне дзяцей. Гэта можа быць цяжкасцю у адносінах з дзіцём або нават прыняццем рашэння любіць свайго мужа, калі ён не вельмі заслугоўвае любові. Гэта можа быць цяжкасцямі з фінансамі, з тваёй працай, з тваёй адзінотай або адносінамі з бацькамі. Што б "гэта" не было, калі мы перастаем разглядаць свае абставіны як перашкоды, якія трэба перамагчы, а вырашаем прыняць іх, вось тады мы атрымліваем Ягоную ласку. Гэта значыць зрабіць выбар адпусціць і дазволіць Яму кантраляваць усё. І часам гэты выбар цяжка зрабіць.

Цікава, калі мы толькі стараемся вытрымаць свае абставіны, яны ў выніку могуць перамагчы, патапіць і знішчыць нас. Прыняцце складаных абставін можа здзейсніць вялікую працу ў нашых сэрцах. Таму, калі ты зразумееш, што змагаешся, імкнешся і супраціўляешся складаным абставінам у сваім жыцці, адпусці іх!

Саступі, каб прыняць Ягоную ласку!

Ісус, гэта гучыць занадта цяжка. Я змагаюся з цяжарам, які Ты даў мне. Усё значна складаней, чым я калі-небудзь магла сабе ўявіць. Я хачу прыняць тое, што Ты даў мне, але я прызнаю, што мне хацелася б, каб усё было прасцей. Вось, што я ведаю. Я не магу справіцца з гэтым самастойна. Мне патрэбна Твая звышнатуральная сіла, каб справіцца з гэтым толькі на працягу сённяшняга дня. Я раскайваюся у тым, што спрабавала справіцца самастойна і прашу Цябе праявіць Сябе ў сённяшніх абставінах. Я выбіраю паглядзець на сваю сітуацыю з новага пункту гледжання. Калі ласка, пакажы мне Сваю ласку!