Любіць як ІсусУзор

Божая місія

Бог выконвае місію. Я ў гэтым упэўнены. Сёньня Ён гэтакі ж жывы, дзейны і заняты, як і на працягу тысячагодзьдзяў, занатаваных у Сьвятым Пісьме. На пачатку Ён стварыў усё ў стане гарманічнасьці, зладжанасьці і прыгажосьці. Аднак найважнейшае Ягонае стварэньне адкінула боскую блізкасьць. Ад таго часу і дагэтуль Бог заляцаецца да нас. Гэта сапраўдная гісторыя каханьня. Ён нырае ў замерзлае возера, калі мы тонем. Ён бяжыць у будынак у агні, калі мы ня здолеем зь яго выбрацца. Ён зьмякчае нашыя зацьвярдзелыя сэрцы, калі мы самаізалюемся і фартыфікуемся ва ўласным страху, нянавісьці, сораме або няпэўнасьці. Але найлепшае з усяго таго - гэта тое, што Ён запрашае нас далучыцца да Яго ў гэтай місіі надзеі.

Мы некалі былі Богу ворагамі, абіраючы замест Яго ўсякіх ідалаў. Ён жа палюбіў нас гэтак моцна, што паслаў і аддаў Свайго адзінага Сына. Дзеля нас - Сваіх ворагаў. Гэтым Ён даў нам прыклад. Нашая надзея і нашая місія, да якой Ён запрашае нас, - гэта любіць нашых ворагаў. Гэта найбольш хрысьціянская рэч, што мы можам зрабіць. Гэта больш за словы або ўчынкі. Гэта лад жыцьця, што ўдзельнічае ў Божай місіі. Калі сьвет убачыць рух зь людзей, якія маюць досыць самавалоданьня, каб не адказваць злом на зло, досыць спагады, каб быць салідарнымі, і досыць ціхманасьці, каб бачыць сілу ў слабасьці, дык толькі тады ён пазнаёміцца з Хрыстом у Ягоным сапраўдным выглядзе - крыжы.

Джоўі Армстранг
з Life.Church у Броўкэн Эраў