Collective: Знайдзем жыцьцё разамУзор

Дзівісься, ці тваё жыцьцё ідзе ў правільным накірунку?

Калі табе спаўняецца 18, то здаецца, што ты мусіш адразу ж стаць дарослым і ўпарадкаваць тваё жыцьцё. Але што рабіць, калі ты маеш больш пытаньняў, чым адказаў? Што рабіць, калі адчуваеш, што ня спраўджваеш спадзяваньняў, якія маеш ты або іншыя людзі? Што рабіць, калі думаў, што будзеш у месцы, адрозным ад таго, дзе знаходзісься цяпер, і ня ўпэўнены, куды ісьці далей?

Удыхні глыбока. Увага — спойлер: насамрэч, ніхто дакладна ня ведае, як жыць, але рэч ня гэтым. Усе мы вучымся разьлічваць на Бога й на людзей навокал нас, каб ісьці крок за крокам. Сам Ісус сказаў нам не турбавацца заўтрашнім днём, бо досыць кожнаму дню свайго клопату.

Слушна, так? Калі мы пачынаем думаць пра ўсё адразу: пра нашыя фінансы, будучыню, кар’еры, узаемаадносіны, дык тое прыгнятае нас. Але калі мы затрымліваемся й думаем пра ўсё па парадку, то можам пачаць здымаць зь сябе ціск дзейнічаць рашуча і заміж таго пачаць спадзявацца на Бога.

Вось адна праўда пра жыцьцё: яно надта кароткае. Тое можа засмуціць, але Псальма 89:12 кажа, што здольнасьць лічыць нашыя дні вядзе да мудрасьці. Дзіўна? Не зусім. Калі мы разумеем, што нам не гарантавана жыць заўтра, то мы ўважаем кожны дзень за падарунак ад Бога. Падарунак, поўны новае ласкі. Новага прабачэньня. Магчымасьцяў нечаму навучыцца й вырасьці.

Дык вось калі ты ня ведаеш, ці тваё жыцьцё ідзе ў правільным накірунку, то ты не адзін. Чалавеку ўласьціва прагнуць больш адказаў тады, калі яму насамрэч проста патрэбна больш Бога.

Але гэта добрае пытаньне. Нават за Ісусам людзі задавалі важныя пытаньні. Аднойчы нехта спытаўся Ісуса,  якая запаведзь найважнейшая ў законе.

Тое, што Ісус адказаў было вельмі простым і адначасова вельмі цяжкім. Ён сказаў, што найважнейшая рэч, якую мы можам зрабіць, — гэта любіць Бога й любіць людзей. Іншым разам Ісус сказаў, што сьвет пазнае Ягоных пасьлядоўнікаў па іхняй любові да іншых.

Такім чынам можна сказаць, што калі ты любіш Бога й любіш людзей навокал цябе, то ты, напэўна, знаходзісься на правільным шляху.

У наступныя шэсьць дзён мы паспрабуем разабрацца зь некаторымі пытаньнямі пра дарослае жыцьцё, якія час ад часу ўзьнікаюць у кожнага з нас, і пабачым, як Ісус дапамагае нам жыць нашыя звычайныя жыцьці незвычайнымі спосабамі.

Задумайся на наступным:Якімі спосабамі я магу любіць Бога ды людзей навокал мяне?

Памаліся: Божа, дзякую за тое, што Ты ёсьць сувэрэнным уладаром усяго, і што я магу даверыць Табе ўсе мае турботы пра будучыню. Дзякуй за Тваю ласку, міласьць ды любоў. Дапамажы мне разьлічваць на Цябе, а не на мае ўласныя намаганьні. Навучы мяне лічыць мае дні й як найлепш выкарыстоўваць мой кароткі час на зямлі. Дапамажы мне любіць Цябе й любіць іншых больш і больш з кожным днём. У імя Ісуса. Амін.

Хочаш даведацца болей пра жыцьцё ў маладосьці? Глядзі відэа ўрок Collective у пяці частках.