Загарадзі: як унікаць шкадаваньні ў жыцьціУзор

Думаючы пра грашовыя загарадзі, ты можаш думаць пра адсутнасьць доўгу. Ня мець доўгу - гэта добра, але паводле Ісуса, ты можаш мець нуль доўгу і шмат грошай у банку, і ўсё адно ўпасьці ў грашовую канаву. Цікава, праўда? Чытай далей.

У сёньняшніх вершах з Мацьвея Ісус кажа, што кожным з нас валодае нехта або нешта. Потым Ён дае два нечаканыя варыянты: Бог або грошы. Бальшыня з нас падумала б, што Ён мог сказаць Бог або Шатан. Але Ісус сказаў, што галоўны канкурэнт - гэта грошы.

На самай справе, Ён ставіць пытаньне: Мы валодаем грашыма, ці грошы валодаюць намі?

Без грашовае загарадзі бальшыня з нас апынецца ў адной з дзьвюх канаў. Мы або скоцімся ў бездань марнаваньня, або ўвапромся ў прагаліну ашчаджаньня. Першае ёсьць нястрымным жаданьнем: набыць, набыць лепшае, паўтарыць. Другое ёсьць нястрымным страхам: Што, калі ў мяне ня будзе дастаткова грошай? Што, калі тое здарыцца са мною?

У абодвух выпадках, грошы - наш уладар. Мы гонімся за імі, каб патраціць зараз. Або мы гонімся за імі, каб зашчадзіць ды патраціць пазьней.

Нам патрэбна грашовая загарадзь, якая робіць Бога нашым уладаром. І менавіта тое мы бачым у Мацьвея 6:33 напрыканцы доўгае размовы пра тое, як мы павінны ставіцца да грошай і выкарыстоўваць іх. Чатыры словы: “Шукайце найперш Валадарства Божага.”

Божае Валадарства - гэта валадарства, дзе іншых ставяць перад сабою. Або, як мы сказалі ўчора, у Божым Валадарстве найлепшым ёсьць тое, што ёсьць найлепшым для іншых людзей. Загарадзь, якая не дазволіць нам упасьці ў канаву марнаваньня ды ашчаджаньня, - гэта ставіць іншых перад сабою ў грашовых справах.

Спачатку дай іншым. Потым зашчадзі на будучыню. А пасьля жыві на рэшту.

Спачатку дай. Потым зашчадзі. Жыві на рэшту.

І вось добрая навіна наконт гэтае загарадзі: яна можа быць аўтаматычнай. Калі ты абраў арганізацыю або справу, якую хочаш падтрымліваць, гэтая загарадзь будзе трымаць твае грошы на верным шляху без усякіх дадатковых намаганьняў.