Навошта нам Вялікдзень?Узор

Навошта Ён прыйшоў і навошта памёр?

Ісус - адзіны чалавек, які абраў нарадзіцца, і Ён адзін зь нешматлікіх, якія абралі памерці. Ён сказаў, што якраз таму і прыйшоў: каб памерці за нас. Ён прыйшоў дзеля таго, каб “аддаць душу Сваю як выкуп за многіх” (Марка 10:45).

Ісус сказаў, што Ён памёр “за” нас. Слова “за” азначае “замест”. Ён зрабіў тое, бо палюбіў нас і не хацеў, каб нам прыйшлося быць пакаранымі за ўсё тое, што мы зрабілі ня так. На крыжы Ён фактычна сказаў: “Я бяру ўсё тое на сябе”. Ён зрабіў тое для цябе й для мяне. Калі б ты або я былі адзінымі асобамі ў сьвеце, Ён усё роўна зрабіў бы тое для нас. Апостал Павал пісаў пра “Сына Божага, Які палюбіў мяне і аддаў Сябе за мяне” (Галятаў 2:20). Ён аддаў Сваё жыцьцё як выкуп менавіта дзеля любові да нас.

Слова “выкуп” бярэ пачатак ад часоў гандлю рабамі. Ветлівы чалавек мог купіць раба, каб вызваліць яго, але спачатку ён мусіў заплаціць цану выкупу. Ісус заплаціў цану выкупу Сваёй кроўю на крыжы, каб вызваліць нас.