Адвэнт: Падарожжа да РастваУзор

Першае абяцаньне

Ці вы ведаеце першае абяцаньне, што Бог даў наконт Раства? У Быцьці, мы чытаем, што калі Адам ды Ева зграшылі, то чалавецтва было адлучана ад Божае прысутнасьці. Грэх пазбавіў нас нявіннасьці ды зрабіў нас нячыстымі. З прычыны таго, што Бог ёсьць бязгрэшным і сьвятым, Ён ня можа знаходзіцца ў адносінах з тым, што ёсьць нячыстым. Тое адлучэньне разьбіла Богу сэрца, бо Ён любіць нас больш, чым мы можам сабе ўявіць. Ён неадкладна склаў плян нашага прымірэньня зь Ім. Ад самога пачатку існаваньня чалавецтва Ісус меўся быць часткай той гісторыі.

У той дзень Бог паведаміў Шатану аб ягоным наканаваньні. Ён сказаў: «Варожасьць пакладу паміж табою ды паміж жанчынаю, і паміж семем тваім і паміж семем яе; яно будзе біць цябе ў галаву, а ты будзеш джаліць яго ў пяту». (Быцьцё 3:15) Некалі ў будучыні, сярод Евіных патомкаў, меўся прыйсьці Збаўца, Які павінен быў назаўжды пазбавіць Шатана ягонае здольнасьці адлучаць чалавека ад Бога. Шатан будзе намагацца спыніць Яго, але Збаўца паб’е яго ў галаву. Пасьля таго ён ужо дакладна ня зможа дзейнічаць!

Раство адзначае пачатак Божага працэсу прымірэньня нас зь Ім праз Новы Запавет. Тысячагодзьдзямі сьвет чакаў абяцанага Богам Збаўцу, і потым нарэшце Ён прыйшоў. Той, хто меўся назаўжды зьнішчыць грэх ды сьмерць, стаў Эмануэлем – «з намі Бог».

Уваходзячы ў сэзон Адвэнту, засяродзьцеся на першым Божым абяцаньні. Усьвядомце, што Бог заўсёды трымае Сваё Слова, і паразважайце над фактам, што Ён любіць вас настолькі моцна, што Ён паслаў Свайго бязгрэшнага Сына нарадзіцца ў грэшны сьвет, каб наладзіць узаемаадносіны з вамі.

Малітва: Тату, я ў зьдзіўленьні, што Тваёй першай рэакцыяй на наш грэх было абяцаньне, што ён ня будзе заўжды адлучаць нас ад Цябе. Дзякую, што Ты ад самога пачатку абраў паслаць Ісуса, каб адкрыць нам шлях да ўзаемаадносінаў з Табой. У той час, як набліжаецца Раство, дай мне глыбейшае разуменьне таго, што Ты зрабіў, калі Ісус прыйшоў у гэты сьвет. Я хачу адчуць тую самую радасьць, якую адчуў Ты, калі Ён нарадзіўся й пачалося выкананьне Твайго абяцаньня.

Спампуйце сёньняшнюю выяву тут.