Сьвятая мітусьня: Жыцьцё, поўнае цяжкае працы й добрага адпачынкуУзор

Нашая хата поўная Лега. Калекцыя пачалася зь некалькіх камплектаў на Раство аднаго году, і цяпер у нас ёсьць незьлічоная колькасьць скрыняў, поўных маленькіх каляровых кубікаў. Калі мая дачка будуе, то перш за ўсё яна выкарыстоўвае вялікія кубікі Лега. Яны задаюць атмасфэру, зацьмяваюць сваёю важнасьцю сотні маленькіх плястыкавых торбачак, поўных амаль што нябачных фігурак, неабходных і цалкам кваліфікаваных дзеля свайго прызначэньня.

Часам мне хочацца быць нібыта тыя вялікія кубікі Лега, якія заўсёды зьяўляюцца пэўным, відавочным выбарам. Але вялікія й больш імпазантныя кубікі ня маюць вялікага значэньня па заканчэньні будоўлі, - прынамсі не такога вялікага, як табе можа падацца. Калі я бяру ў рукі коні ды маленечкія фігуркі, малюпаткія вожыкі ды бліскучыя сьняжынкі, я разумею, што часам найменшыя часткі камплекту робяць найбольшы ўплыў.

З маленькіх кавалачкаў празрыстага плястыку, амаль што нябачных, атрымліваюцца прыгожыя вокны.

Бліскучыя маленькія кропкі дадаюць апошнія штрыхі дахам ды сталам.

Маркоўныя насы завяршаюць сьнежную бабу, а малюпаткія канькі аздабляюць малюпаткія ногі.

Часта я зьяўляюся часткаю-дапаўненьнем, якая грае другасную ролю. Ціхую ролю, зацьмёную пэрсанажамі, якія прыцягваюць да сябе ўвагу сваім незвычайным пышным вонкавым выглядам. Ролю, якая прымушае мяне меркаваць, што мяне лёгка замяніць, або што я непатрэбная ў гатовым прадукце - добра, што я ёсьць, але могуць абысьціся і безь мяне. Але як цудоўна, што Бог стварыў Хрыстова цела так, каб яно мела канкрэтную, задуманую патрэбу ў кожнай частцы - нягледзячы на яе памер.

Ці ты адчуваеш сябе малюпаткаю часткаю набору, якую ніхто не заўважае? Ці ты дагэтуль не перакананы ў тым, што тое, што выглядае проста, нецікава й брудна можа быць часткай сьвятое справы Божага Валадарства, дзеля якое тваё сэрца прагне працаваць? Ці ты дзівісься, як ты можаш заставацца там, куды Бог паклікаў цябе, калі ты ня ўпэўнены, ці заданьне, якое ты атрымаў ёсьць досыць добрым?

Твая прысутнасьць ды прызначэньне зьяўляюцца вельмі важнымі. Незалежна ад таго, ці мы зьяўляемся найбольш імпазантным кубікам у кучы (дапамагаючы іншым стаяць цьвёрда!), або найменшаю часткаю-дапаўненьнем (яскрава зьзяючы!), Бог праслаўляецца праз нас, калі мы аб’ядноўваемся дзеля Ягонага Валадарства. Ты незаменны, дасканала кваліфікаваны й вельмі неабходны на справу, якую Бог заплянаваў дзеля цябе. У Мэсіі мы можам зрабіць больш за тое, што мы сабе ўяўляем.