Мы вельмі занятыя сям'ёю, працаю, сяброўскімі забавязаньнямі ды шмат яшчэ чым. Бальшыня з нас разьлічвае на смартфоны ды іншыя электронныя прылады, што дапамагаюць нам кіраваць нашымі штодзённымі абавязкамі ды заставацца ў кантакце.

У 2006 годзе, зьяўляючыся дынамічнаю ды актыўнаю духоўнаю супольнасьцю, Life.Church пачала шукаць спосабы дапамагчы людзям скарыстаць з новых тэхналёгіяў, каб зазнаць Біблію так, каб тое прывяло да зьменаў у іхніх жыцьцях. Тое прывяло нас да стварэньня YouVersion Bible App - аднаго зь першых 200 бясплатных дадаткаў у App Store ад Apple, што запусьцілі ў 2008 годзе.

Па меры таго, як болей ды болей людзей пачалі карыстацца YouVersion, мы зразумелі важнасьць дапамаганьня людзям у адкрыцьці веры ў супольнасьці, дзе кожная асоба жадае бясьпечна й надзейна ладзіць адносіны з Богам.

YouVersion - гэта нашмат больш, чым проста электронны чытальнік, які дазваляе вам чытаць Біблію на вашым тэлефоне. Мы вырабляем кожны наш прадукт ды паслугу рупліва ды сумысна, адмыслова праектуючы кожную функцыю, каб дапамагчы вам набліжацца да Бога ды шукаць адказы на духоўныя пытаньні ў бясьпечным асяродзьдзі, - усё гэта ў кантэксьце надзейнае супольнасьці, якую абралі вы.

І ўсё, што мы прапануем празь YouVersion, мы прапануем цалкам бясплатна, без аніякіх адмысловых умоваў і без рэклямаў: бясплатна як для асобных карыстальнікаў, так і для нашых біблійных ды кантэнт-супольнікаў. Як мы гэта робім? Як дыгітальная місія царквы Life.Church, YouVersion галоўным чынам падтрымліваецца агульным бюджэтам, а таксама ахвяраваньнямі ад асобных карыстальнікаў, якія жадаюць удзельнічаць у нашай місіі дапамагчы людзям скарыстацца з тэхналёгіі, каб вывучаць Біблію ды бачыць, як зьмяняюцца жыцьці.

Калі ласка, уважліва прачытайце гэтую палітыку прыватнасьці, бо яна зьмяшчае інфармацыю пра тое, як мы зьбіраем, выкарыстоўваем, абагульваем ды апрацоўваем вашыя асабістыя дадзеныя.

Карыстаючыся YouVersion, вы пагаджаецеся з гэтай палітыкай прыватнасьці ды ейнымі ўмовамі і пагаджаецеся зь перадачай ды апрацоўкай вашых дадзеных у Злучаных Штатах. Вашае карыстаньне YouVersion таксама рэгулюецца нашымі ўмовамі карыстаньня. Калі ласка, уважліва прачытайце гэныя ўмовы.

Вось кароткі пералік таго, што вы знойдзеце ў нашай палітыцы прыватнасьці, якая ахапляе ўсе прадукты ды паслугі ад брэнду YouVersion:

Як мы выкарыстоўваем вашыя дадзеныя дзеля таго, каб зрабіць ваш досьвед у YouVersion больш асабістым.

Гэтая палітыка прыватнасьці дае беглы агляд тыпаў дадзеных, якія мы зьбіраем падчас вашага карыстаньня YouVersion, а таксама як мы апрацоўваем тую інфармацыю дзеля таго, каб палепшыць зручнасьць карыстаньня YouVersion. Калі вы ствараеце ўліковы запіс у YouVersion або карыстаецеся нашымі іншымі дадаткамі альбо ўэб-старонкамі, то інфармацыя, якую мы зьбіраем, выкарыстоўваецца дзеля прапанаваньня больш асабістага досьведу.

Вашая прыватнасьць абараняецца.

Мы сур'ёзна ставімся да прыватнасьці інфармацыі, якую вы нам даяце й якую мы зьбіраем, і мы прымаем меры бясьпекі, створаныя дзеля абароны вашых дадзеных, што абмяркоўваецца ніжэй. Мы ня дзелімся вашымі асабістымі дадзенымі з рэклямадаўцамі трэціх асобаў або рэклямнымі сеткамі дзеля рэклямных мэтаў трэціх асобаў.

Гэта ваш досьвед.

У вас ёсьць выбар датычна таго, як Life.Church зьдзяйсьняе доступ да вашае асабістае інфармацыі, а таксама зьбірае, абагульвае ды захоўвае яе, што абмяркоўваецца ніжэй. Вы можаце прыняць рашэньні аб выкарыстаньні й апрацоўцы вашае інфармацыі падчас вашага першага выкарыстаньня YouVersion і падчас выкарыстаньня пэўных функцыяў YouVersion, і вы таксама можаце прыняць пэўныя рашэньні ў мэню наладаў вашага ўліковага запісу ў YouVersion або на https://my.bible.com/settings.

Мы вітаем вашыя пытаньні й заўвагі.

Калі вы маеце пытаньні альбо заўвагі наконт гэтае палітыцы прыватнасьці, то можаце зьвязацца з намі па адрасе: Life Covenant Church, Inc., attn.: YouVersion Support, 4600 E. 2nd St., Edmond, Oklahoma 73034 або help@youversion.com.

Калі YouVersion прадстаўляе вам пераклад ангельскае вэрсіі палітыцы прыватнасьці, то вы згаджаецеся, што такі пераклад забясьпечваецца выключна дзеля зручнасьці, і што менавіта ангельская вэрсія палітыцы прыватнасьці вызначае вашыя правы пры выкарыстаньні YouVersion. Калі існуюць нейкія супярэчнасьці паміж ангельскай вэрсіяй палітыцы прыватнасьці й перакладам, то менавіта вэрсія на ангельскай мове мае пераважную сілу.

Дзеля таго, каб гэты дакумэнт было лягчэй чытаць, мы будзем выкарыстоўваць некаторыя скарачэньні. Напрыклад, калі мы гаворым "YouVersion", то мы гаворым пра:

• Мабільныя дадаткі YouVersion, такія як:
• Bible App
• Біблія для дзяцей
• Біблійная Лінза
• Інтэрнэт-старонкі YouVersion, такія як:
• bible.com
• events.bible.com
• youversion.com
• donate.bible.com
• help.youversion.com
• Іншыя дадаткі YouVersion на іншых плятформах, такія як:
• Праграмы для прагляду відэа
• Галасавыя дапаможнікі

Прадукты YouVersion належаць Life Covenant Church, Inc., якую мы ў тэксьце гэтага дакумэнта скарочана называем "Life.Church", альбо "мы". Мы дапускаем выкарыстаньне YouVersion незарэгістраванымі карыстальнікамі, якіх мы называем "наведнікі", а таксама зарэгістраванымі карыстальнікамі, або "сябрамі". Калі мы ў гэтым дакумэнце будзем казаць адразу пра абодвух, мы будзем выкарыстоўваць тэрмін "карыстальнікі" або "вы".

Інфармацыя, якую мы зьбіраем, залежыць ад паслугаў і функцыяў, якімі вы хочаце карыстацца. Вы можаце адмовіцца даваць нам сваю асабістую інфармацыю; аднак тое можа перашкодзіць нам забясьпечыць вас пэўнымі паслугамі ды функцыямі YouVersion. Асабістая інфармацыя, якую мы зьбіраем, і мэта, дзеля якое мы выкарыстоўваем тую інфармацыю, апісваецца ніжэй.

Асабістая інфармацыя, якую вы даяце нам.

Каб карыстацца YouVersion, вам не патрэбна ствараць уліковы запіс. Аднак сяброўства дазваляе нам падганяць YouVersion дзеля больш пэрсаналізаванага досьведу. Каб стварыць уліковы запіс у YouVersion, нам патрэбна, каб вы далі сваё імя, прозьвішча ды дзейны эмэйл. Мы выкарыстаем гэтую інфармацыю дзеля таго, каб асацыяваць вас з вашым канкрэтным уліковым запісам у YouVersion. Пасьля таго, як вы створыце ўліковы запіс у YouVersion, вы таксама можаце пазначыць свой пол, узрост, уэб-старонку, месцазнаходжаньне, кароткую біяграфію, выяву профілю ды іншую інфармацыю, якую вы абераце даць. Усё тое, калі пазначана, таксама будзе асацыявацца з вашым уліковым запісам.

Апроч гэтае асабістае інфармацыі, што зьбіраецца дзеля стварэньня ўліковага запісу сябры, вы можаце выбіраць, якую дадатковую інфармацыю даваць нам. Мы зьбіраем вашыя асабістыя дадзеныя, калі вы даяце, публікуеце або пампуеце іх у YouVersion. Вы ня мусіце даваць такую ​​інфармацыю; аднак, калі вы гэтага ня зробіце, гэта можа абмежаваць нашыя магчымасьці пэрсаналізаваць YouVersion і вашую здольнасьць карыстацца YouVersion у поўным аб'ёме. Канкрэтныя функцыі YouVersion, дзеля якіх вы можаце даваць, і дзеля якіх мы можам апрацоўваць вашую інфармацыю, абмяркоўваецца ніжэй.

Вашыя ўнёскі карыстальніка.

YouVersion дазваляе карыстальнікам публікаваць, распаўсюджваць і паказваць пэўны кантэнт (мы называем тое "апублікаваць", а кантэнт - "допісамі"). Допісы могуць публікавацца ў агульнадаступных частках YouVersion, уэб-старонак ды ўліковых запісаў у сацыяльных сетках, у якія вы ўваходзіце празь YouVersion, або перадавацца іншым карыстальнікам YouVersion альбо трэцім асобам, зь якімі вы абіраеце кантактаваць на іншых плятформах або сэрвісах. Напрыклад, гэта можа выглядаць як комэнт да сябравага допісу або як стварэньне й абагульваньне выявы зь вершам. YouVersion таксама дазваляе вам ствараць пэўны кантэнт на захаваньне ў вашым уліковым запісе, такі як Нататка або Закладка біблійнага вершу, і частку якога вы можаце абагульваць. Увесь кантэнт, створаны вамі, незалежна ад таго, ці вы яго публікуеце, мы называем "Уклад карыстальніка".

Дараваньні ды ахвяраваньні.

Калі вы вырашаеце зрабіць добраахвотнае ахвяраваньне празь YouVersion або праз староньнюю ўэб-старонку, зьвязаную зь YouVersion, то тады і толькі тады вам будзе запрапанавана, і вам будзе неабходна даць нумар аплатнае карткі або банкаўскага рахунку, альбо іншую інфармацыю, неабходную дзеля апрацоўкі транзакцыі. Мы зьбяром прызначэньне вашага ахвяраваньня, калі такое будзе, а таксама асабістыя дадзеныя накшталт вашага імя, адрасу, тэлефоннага нумару і/або электроннага адрасу, каб пераканацца, што вашае ахвяраваньне будзе выкарыстана дзеля мэты, зь якой вы яго зрабілі, і мы дамо вам "Гадавую справаздачу аб ахвяраваньнях", у якой будуць пералічаныя вашыя ахвяраваньні дзеля падатковых мэтаў або дзеля вашага асабістага выкарыстаньня. Мы ня будзем захоўваць або апрацоўваць іншымі спосабамі грашовую інфармацыю, якую мы атрымалі анлайн дзеля таго, каб зрабіць ахвяраваньне. На дату гэтае палітыцы, мы карыстаемся Stripe або PayPal дзеля апрацоўкі вашых анлайн-ахвяраваньняў. Каб даведацца больш пра тое, як гэтыя трэція асобы апрацоўваюць вашыя дадзеныя, калі ласка зьвярнецеся да іхняе палітыцы прыватнасьці, што можна знайсьці тут: https://stripe.com/privacy; https://www.paypal.com/us/webapps/mpp/ua/privacy-full.

Вашая камунікацыя з намі.

Мы зьбіраем інфармацыю пра вас калі вы адсылаеце, атрымліваеце або ўдзельнічаеце ў паведамленьнях ад нас, у тым ліку калі вы адпраўляеце асабістыя дадзеныя або пытаньні на help@youversion.com або праз уэб-старонку help.youversion.com. Мы захоўваем гэныя паведамленьні дзеля апрацоўкі вашых запытаў, адказу на вашыя пытаньні ды паляпшэньня YouVersion і нашых паслугаў.

Пагадзіўшыся з нашай палітыкай прыватнасьці, Вы згаджаецеся з выкарыстаньнем кукі-файлаў і падобных тэхналёгіяў (напрыклад, уэб-маякі, пікселы, тэгі ды ідэнтыфікатары прыладаў, якія мы супольна называем "кукі"), як апісана ў гэтай палітыцы. Калі вы выкарыстоўваеце YouVersion бяз зьмены браўзэра і не адключаеце кукі-файлы на сваёй прыладзе, мы будзем лічыць, што вы згодныя атрымліваць усе кукі-файлы, забясьпечаныя празь YouVersion.

Кукі ды іншыя падобныя тэхналёгіі.

Мы выкарыстоўваем кукі-файлы дзеля збору зьвестак пра вашае карыстаньне YouVersion (у тым ліку зьвесткі пра трафік, IP-адрас, часапісы, тып праглядальніку, мову праглядальніка, патрабаваную функцыянальнасьць ды час вашых запытаў) ды іншыя камунікацыйныя дадзеныя ды рэсурсы, да якіх вы маеце доступ і якімі вы карыстаецеся і ствараеце ў або празь YouVersion. Мы выкарыстоўваем гэтую інфармацыю дзеля таго, каб забясьпечыць вас пэрсаналізаваным досьведам YouVersion і больш эфектыўна камунікаваць з вамі. Гэтая інфармацыя таксама зьбіраецца дзеля таго, каб вызначыць агульную колькасьць індывідуальных прыладаў, што карыстаюцца YouVersion і/або часткамі YouVersion, адсачыць агульнае карыстаньне, аналізаваць дадзеныя карыстаньня і палепшыць функцыянальнасьць YouVersion для ўсіх Сябраў і Наведнікаў. Мы можам аб'ядноўваць гэтыя дадзеныя дзеля таго, каб забясьпечыць вас лепшым досьведам і палепшыць якасьць нашых паслугаў. Звычайна, мы захоўваем дадзеныя, што мы зьбіраем з кукі-файлаў, на працягу 21 дня, але мы можам захоўваць іх даўжэй, калі ёсьць гэтакая патрэба, напрыклад калі таго патрабуе закон або дзеля тэхнічных прычынаў.

Хоць большасьць інтэрнэт-браўзэраў прымаюць кукі-файлы па змаўчаньні, вы можаце кантраляваць гэтыя тыпы тэхналёгіяў праз налады вашага браўзэра й аналягічныя прылады і наогул вырашыць адмовіцца ад усіх кукі-файлаў. Вы можаце адмовіцца прымаць кукі-файлы праз актывацыю адпаведных наладаў у вашым браўзэры або на вашай прыладзе, але гэтак зрабіўшы вы можаце страціць доступ да некаторых частак YouVersion, перашкодзіць нам даваць вам поўны досьвед YouVersion і прадухіліць выкарыстаньне пэўных функцыяў ды паслугаў, якія патрабуюць гэтых тэхналёгіяў.

Life.Church ня можа рэгуляваць іншыя старонкі, кантэнт або дадаткі, зьвязаныя з або забясьпечаныя YouVersion або нашымі іншымі ўэб-старонкамі й паслугамі, забяспечанымі трэцімі асобамі, у тым ліку вытворцам вашае прылады й вашым пастаўніком мабільных паслугаў. Гэтыя трэція асобы могуць разьмяшчаць уласныя кукі-файлы або іншыя файлы на вашым кампутары, зьбіраць дадзеныя, у тым ліку асабістыя дадзеныя, пра вашыя дзеяньні анлайн за адрэзак часу і на розных уэб-старонках, дадатках ды іншых інтэрнэт-паслугах. Гэтыя трэція асобы могуць выкарыстоўваць гэтыя дадзеныя дзеля таго, каб паказваць вам мэтавы кантэнт паводле вашых цікавасьцяў і паводзінаў. Мы не кантралюем адсочвальныя тэхналёгіі гэтых трэціх асобаў або тое, як яны выкарыстоўваюцца. Калі ў вас ёсьць пытаньні аб мэтавым кантэнце, вы мусіце зьвярнуцца непасрэдна да адпаведнага прадстаўніка.

Пастаўнікі атрыбутаў.

Мы рэклямуем YouVersion на староньніх сайтах накшталт Facebook ды Google і карыстаемся староньнімі наборамі прыладаў на распрацоўку праграмнага забесьпячэньня ("SDK"), каб прыпісаць спампоўку YouVersion рэклямным абвесткам, зьмешчаным на староньніх сайтах. Мы можам даваць гэтым трэцім асобам агульную, безасабовую інфармацыю наконт рэклямных абвестак, зьмешчаных на іхніх сайтах і наконт спамповак YouVersion праз гэныя рэклямныя абвесткі. Мы не прадаем вашыя асабістыя дадзеныя аніякім трэцім асобам і не дазваляем нашым пастаўнікам паслугаў SDK прадаваць вашыя асабістыя дадзеныя трэцім асобам або выкарыстоўваць вашыя асабістыя дадзеныя дзеля спрыяньня продажу староньніх тавараў альбо паслугаў.

Ідэнтыфікатар прылады й месцазнаходжаньне ды доступ да сеткі.

Калі вы наведваеце або пакідаеце ўэб-старонкі YouVersion, то мы атрымліваем URL як старонцы, зь якой вы прыйшлі, так і URL старонцы, да якой пераходзіце. Мы таксама атрымліваем дадзеныя аб вашым проксі-сэрвэры, апэрацыйнай сыстэме, уэб-праглядальніку ды дадатках, распазнавальніку прыладаў ды функцыяў, і/або аб вашым пастаўніку інтэрнэт-паслугаў альбо мабільным апэратары, калі вы карыстаецеся YouVersion. Мы таксама атрымліваем дадзеныя з вашых прыладаў ды сетак, у тым ліку ваш IP-адрас.

Мы выкарыстоўваем IP-адрасы, якія мы зьбіраем ад нашых карыстальнікаў, на тое, каб апрацоўваць іх з агульнадаступнымі дадзенымі пра шырату й даўжыню, зьвязанымі з вашым пастаўніком інтэрнэт-паслугаў або мабільным апэратарам дзеля таго, каб вызначыць і - ў некаторых выпадках - ананімна апісаць прыблізную геаграфічную зону для кожнага выпадку выкарыстаньня YouVersion. Гэтыя дадзеныя пра шырату й даўжыню захоўваюцца намі на працягу сямі дзён дзеля дыягназаваньня й вырашэньня праблемаў, але яны ніколі не асацыююцца зь ніякімі дадзенымі пра вас або з дадзенымі, якія б маглі ідэнтыфікаваць вас асабіста.

Калі вы карыстаецеся YouVersion на мабільнай прыладзе і калі вы жадаеце карыстацца функцыяй "Падзеі", то вам будзе запрапанавана даць YouVersion дазвол на доступ і атрыманьне дадзеных з тае прылады датычна вашага GPS -месцазнаходжаньня дзеля таго, каб знайсьці Падзеі блізка да вас, <help_link>як акрэсьлена ніжэй</help_link>. Мы не абагульваем вашыя асабістыя дадзеныя або месцазнаходжаньне без вашага выразнага дазволу на тое. Даваць гэтыя дадзеныя не зьяўляецца неабходным, але калі вы іх не дасьцё, то тое можа абмежаваць вашую здольнасьць карыстацца "Падзеямі" ў поўнай меры.

Мы таксама зьбіраем і выкарыстоўваем бяздротавыя дазволы (або "WiFi-дазволы") вашае мабільнае прылады на тое, каб вызначыць, ці вы падлучаныя да WiFi або сотавай сетцы. Гэтыя дадзеныя выкарыстоўваюцца дзеля забесьпячэньня аптымізаванага карыстальніцкага досьведу праз забесьпячэньне мультымедыямі вышэйшае якасьці карыстальніка, падлучанага да хуткаснага WiFi у параўнаньні з карыстальнікам, падлучаным да сотавай сетцы. WiFi-дазволы таксама выкарыстоўваюцца дзеля перадачы кантэнту праз Chromecast ды падобныя прылады. YouVersion не захоўвае і не абагульвае гэтыя дадзеныя.

Мы выкарыстоўваем дадзеныя, якія мы зьбіраем пра вас, і якія вы нам даяце, а таксама высновы з гэнай інфармацыі дзеля:

• Забесьпячэньня, падтрымкі ды пэрсаналізацыі YouVersion і функцыянальнасьці YouVersion згодна з вашымі запытамі;
• Стварэньня, падтрымоўваньня, наладжваньня ды ўмацаваньня вашага ўліковага запісу YouVersion, калі такі ёсьць;
• Апрацоўкі вашых запытаў ды адказваньня на вашыя пытаньні;
• Забесьпячэньня інфармацыі пра іншыя прадукты або паслугі YouVersion;
• Падтрыманьня бясьпечнасьці, бясьпекі й цэласнасьці YouVersion ды інфраструктуры, што спрашчае карыстаньне YouVersion;
• Унутранага разьвіцьця YouVersion ды іншых нашыз прадуктаў ды паслугаў;
• Унутранага аналізу выкарыстаньня YouVersion;
• Дасягненьня ўсякіх іншых мэтаў, дзеля якіх вы нам прадстаўляеце інфармацыю;
• Выкананьня нашых абавязаньняў ды абароны нашых правоў згодна з адпаведным законам, улучаючы нашыя правы й абавязаньні паводле гэтае палітыцы прыватнасьці ды нашых умоваў выкарыстаньня;
• Як апісана ў Палітыцы прыватнасці;
• Усякіх іншых мэтаў, якія мы можам апісаць, калі вы даяце нам інфармацыю; і
• Для любых іншых мэтаў, калі вы даеце згоду.

Сяброўства.

Мы выкарыстоўваем асабістыя дадзеныя, якія вы даяце нам, на тое, каб стварыць і трымаць ваш уліковы запіс сябры. Мы таксама выкарыстоўваем гэтыя дадзеныя на тое, каб дазваляць і заверваць доступ да вашага ўліковага запісу. Мы захоўваем гэтыя дадзеныя ды дадзеныя, што маюць дачыненьне да вашага карыстаньня YouVersion у сувязі з вашым уліковым запісам сябры, пакуль вы зьяўляецеся сябрам. Напрыклад, вашае імя, прозьвішча ды электронны адрас будуць захоўвацца й выкарыстоўвацца намі ў сувязі зь імем вашага ўліковага запісу або аўтаматычна створаным ідэнтыфікатарам уліковага запісу, каб заверыць, што вы сапраўды зьяўляецеся карыстальнікам вашага ўліковага запісу. Мы таксама захоўваем вашыя ўнёскі карыстальніка, зьвязаныя з вашым уліковым запісам, каб дазволіць вам атрымаць доступ, паўторны доступ, публікаваць ды іншым чынам карыстацца вашымі ўнёскамі карыстальніка паводле вашага жаданьня.

Сябры.

YouVersion дазволіць вам камунікаваць і падтрымліваць сувязь зь іншымі карыстальнікамі YouVersion, каб дзяліцца біблійнымі вершамі, унёскамі карыстальніка ды іншым кантэнтам. Вы самі вырашаеце камунікаваць зь іншым сябрам YouVersion, або не, і абагульваць вашую інфармацыю альбо ўнёскі карыстальніка, або не.

Каб спрасьціць вашую сувязь зь іншымі сябрамі YouVersion, вы зможаце абраць падзяліцца кантактамі з вашай прылады з намі, або не падзяліцца. Дзяліцца гэтымі дадзенымі, каб карыстацца YouVersion або каб зьвязацца з хоць-якім канкрэтным сябрам, не зьяўляецца абавязковым. Калі вы вырашыце падзяліцца гэтымі дадзенымі з намі, дык яны будуць выкарыстаныя толькі на тое, каб паспрабаваць засацыяваць вашыя кантакты зь іншымі сябрамі YouVersion дзеля таго, каб знайсьці патэнцыйныя кантакты ў YouVersion, і яны будуць захоўвацца намі, пакуль вы маеце ўліковы запіс у YouVersion. Калі вы дазваляеце доступ да вашых кантактаў на вашай прыладзе дзеля запрапанаваньняў у сябры, апавяшчэньняў, калі кантакт далучаецца да YouVersion або дзеля адсылкі запрашэньня далучыцца да YouVersion, дык гэтыя дадзеныя захоўваюцца на нашых сэрвэрах у хэшаваным фармаце з мэтаю забесьпячэньня вас гэтай функцыянальнасьцю.

Падзеі.

Функцыя YouVersion "Падзеі" дазваляе вам знаходзіць цэрквы, што знаходзяцца блізка да вас, і г.д., якія пазначылі свае служэньні як Падзеі, гэтак дазваляючы вам сачыць за кантэнтам, рабіць нататкі або захоўваць уласную копію кантэнту дзеля будучых даведак. Асацыяцыя гэтых Падзеяў з вашым месцазнаходжаньнем патрабуе доступу й выкарыстаньня вашага GPS-месцазнаходжаньня.

Калі вы ўпершыню вырашаеце выкарыстаць нашую функцыю "Падзеі", дык у вас будзе права выбару падзяліцца з намі вашым GPS-месцазнаходжаньнем, і калі вы вырашыце не даваць нам вашае GPS-месцазнаходжаньне, дык мы выкарыстаем тую інфармацыю выключна на забесьпячэньне сьпісу падзеяў блізка да вас. Інфармацыя пра GPS-месцазнаходжаньне захоўваецца намі прыблізна на працягу сямі дзён дзеля дыягназаваньня й вырашэньня праблемаў, але яна ніколі не захоўваецца ў нашай базе дадзеных у сувязі з хоць-якім канкрэтным уліковым запісам сябры YouVersion. Як толькі ваш канкрэтны сэанс карыстаньня функцыяй "Падзеі" скончваецца, мы перастаем атрымліваць інфармацыю датычна вашага GPS-месцазнаходжаньня, пакуль вы ня вырашыце выкарыстаць функцыю "Падзеі" зноў. Пасьля вашага першага выкарыстаньня функцыі "Падзеі" і вашага дазволу на выкарыстаньне вашага GPS-месцазнаходжаньня, мы будзем лічыць, што мы маем той дазвол падчас вашага наступнага выкарыстаньня функцыі "Падзеі", пакуль вы не скасуеце тую згоду праз налады вашае прылады або ў функцыі "Падзея" ў дадатку Bible App.

Калі вы вырашылі не дзяліцца сваім GPS-месцазнаходжаньнем, то вы ўсё адно можаце карыстацца функцыяй "Падзеі", але вам прыйдзецца шукаць падзеі ўручную паводле імені, арганізацыі, горада, краіны або іншых адметных крытэрыяў.

Зьмест YouVersion.

Мы зьбіраем інфармацыю аб тым, як вы карыстаецеся YouVersion і ягоным кантэнтам, напрыклад: вашыя малітоўныя запыты, разьдзелы Бібліі ды пляны чытаньня, якія вы чытаеце, і мову, на якой вы карыстаецеся гэтым кантэнтам. Мы таксама зьбіраем і захоўваем унёскі карыстальніка, якія вы ствараеце, напрыклад: Закладкі, Пазначэньні, Нататкі. Мы апрацоўваем гэтую інфармацыю дзеля таго, каб даць вам дазвол на доступ і карыстаньне кантэнтам, які вы ствараеце або да якога жадаеце атрымаць доступ падчас кожнага выкарыстаньня YouVersion.

Вы зможаце абраць ці вы жадаеце спампаваць пэўны кантэнт YouVersion і ўнёскі карыстальніка на вашую прыладу. Вы зможаце абраць ці вы жадаеце даць YouVersion доступ да сховішча на вашай прыладзе дзеля таго, каб дадаваць або рэдагаваць той спампаваны кантэнт. Доступ да сховішча на вашай прыладзе выкарыстоўваецца YouVersion толькі дзеля спампаваньня гэтага запытанага кантэнту на вашую прыладу.

Ці вы будзеце ствараць, атрымліваць доступ або захоўваць інфармацыю ды кантэнт YouVersion, зьяўляецца вашым асабістым выбарам. Калі вы вырашае рабіць тое, дык мы захаваем яго разам з вашымі ўліковым запісам. Мы можам выкарыстоўваць дадзеныя аб вашым выкарыстаньні YouVersion і высновы, што мы робім з гэтых дадзеных, на тое, каб забясьпечыць вас рэкамэндацыямі наконт іншага кантэнту YouVersion або Life.Church. Напрыклад, абапіраючыся на плян чытаньня, які вы прачыталі, мы можам прапанаваць вам дадатковыя пляны чытаньня. Вы можаце адмовіцца атрымліваць гэтакія рэкамэндацыі праз эмэйл, што абмяркоўваецца ніжэй.

Вашая камунікацыя з намі.

Мы камунікуем з вамі праз апавяшчэньні, эмэйл або паведамленьні ў дадатку. Калі мы камунікуем з вамі праз эмэйл, то вы, як правіла, можаце адпісацца ад гэтых лістоў праз спасылку-адпісанку, што гэтыя лісты зьмяшчаюць. Вы таксама можаце наставіць вашыя налады апавяшчэньняў калі заўгодна ў мэню наладаў дадатку YouVersion Bible App або на сайце bible.com/notification-settings.

Аналітыка й прадуктыўнасьць.

Мы ўнутрана аналізуем асабістыя дадзеныя, да якіх маем доступ, выкарыстаньне кантэнту YouVersion, а таксама высновы, што робім з гэных дадзеных, каб назіраць за сацыяльнымі, эканамічнымі ды геаграфічнымі трэндамі датычна кантэнту YouVersion. У некаторых выпадках, мы супрацоўнічаем з давернымі трэцімі асобамі дзеля таго, каб праводзіць гэтае дасьледаваньне, у межах кіраваньня, што ахоўваюць вашую прыватнасьць, як абмяркоўваецца ніжэй. Мы можам раскрываць выкарыстаньне кантэнту YouVersion супольна з дэідэнтыфікаванай ды ананімнай інфармацыяй, што не раскрывае асобу карыстальніка або асабістую інфармацыю гэнага карыстальніка. Напрыклад, мы можам выкарыстоўваць вашыя дадзеныя дзеля ўтварэньня статыстыцы пра агульнае выкарыстаньне YouVersion у сьвеце або ў пэўных геаграфічных рэгіёнах.

Мы выкарыстоўваем абязлічаныя і агрэгаваныя дадзеныя карыстальніка для распаўсюда YouVersion, у тым ліку паведамленьні, якія спрыяюць далучэньню да YouVersion і росту сеткі, напрыклад, адзначэньне агульнай колькасьці мабільных установак YouVersion. Мы выкарыстоўваем дадзеныя, у тым ліку прадстаўленую карыстальнікам асабістую інфармацыю, сукупнасьць дадзеных карыстальніка, дадзеныя, атрыманыя падчас выкарыстаньня YouVersion (напрыклад, гісторыя пошуку, завяршэньне пляна чытаньня, актыўнасьць у чытаньні Бібліі), агульнадаступную зваротную сувязь і інфармацыю, выведзеную з гэтых дадзеных, для правядзеньня ўнутраных дасьледаваньняў і распрацовак для таго, каб забясьпечыць лепшы досвед карыстаньня YouVersion, вымераць прадуктыўнасьць YouVersion і павялічыць выкарыстаньне YouVersion і яго функцыянала. Гэта робіцца праз унясеньне ў YouVersion звычайна агульнадаступных зменаў, а таксама праз адпраўку карыстальнікам паведамленьняў, у якіх прапануецца функцыянальнасьць і зьмест YouVersion.

Канфідэнцыйныя дадзеныя

Калі вы спампоўваеце й карыстаецеся YouVersion, дык мы не мяркуем, што вы належыце да пэўнага рэлігійнага веравызнаньня або выказваеце нам пэўныя рэлігійныя перакананьні; мы проста мяркуем, што вы цікавіцеся нашым кантэнтам. Мы не патрабуем, каб карыстальнікі давалі інфармацыю пра гэтакія перакананьні або хоць-якія іншыя далікатныя дадзеныя, такія як раса, этнічнасьць, філязоўскія перакананьні, або фізычны або разумовы стан здароўя, каб карыстацца або мець уліковы запіс у YouVersion. Вы будзеце мець выбар з пэўнай функцыянальнасьцю YouVersion, каб ствараць, захоўваць і дзяліцца думкамі й паведамленьнямі датычна кантэнту YouVersion, у тым ліку выбар занатоўваць і абагульваць малітвы. Вы самі выбіраеце ці будзеце дзяліцца далікатнай інфармацыяй ва ўнёсках карыстальніка, што вы ствараеце, калі такі выбар існуе. Калі вы вырашаеце даць хоць-якую далікатную інфармацыю, мы можам выкарыстаць яе зь іншай недэлікатнай інфармацыяй, якую вы даяцё, дзеля таго, каб стварыць для вас больш асабісты досьвед у YouVersion і выканаць паслугі й дзеяньні, якія вы запытваеце празь YouVersion, напрыклад абагульваньне або захаваньне кантэнту. Ва ўсякім выпадку, Life.Church апрацуе вашую далікатную інфармацыю дзеля законных дзеяньняў Life.Church ад вашае асобы і выключна паводле ўмоваў гэтае палітыцы ды ўсякіх іншых запытаў, што вы робіце наконт гэтае інфармацыі. Мы таксама будзем ахоўваць вашую далікатную інфармацыю паводле належных пунктаў, што абмяркоўваюцца ў гэтай палітыцы й забясьпечваюцца Life.Church іншымі спосабамі. Калі вы маеце хоць-якія пытаньні, калі ласка напішэце нам на help@youversion.com.

Мы не прадаем і ня дзелімся вашымі асабістымі дадзенымі з аніякімі староньнімі рэклямадаўцамі або рэклямнымі сеткамі дзеля іхніх рэклямных мэтаў. Мы можам раскрываць вашыя асабістыя дадзеныя трэцім асобам дзеля таго, каб мы маглі забясьпечваць вас YouVersion,што абмяркоўваецца ніжэй.

Раскрыцьцё ад вашага імя.

Мы можам раскрываць асабістую інфармацыю, што мы зьбіраем або што вы даяце, як акрэсьлена ў гэтай Палітыцы прыватнасьці, каб выканаць нашыя абавязкі паводле нашых Умоваў карыстаньня; каб выканаць мэту, зь якой вы нам яе даяце; дзеля хоць-якой іншай мэты, якую вы запытваеце, калі даяце тую інфармацыю; або дзеля ўсякай іншай мэты, на якую вы далі нам згоду.

Раскрытая вамі інфармацыя.

Калі вы абагульваеце дадзеныя празь YouVersion, то тыя дадзеныя можаце бачыць вы, а таксама ўсякія іншыя асобы, зь якімі вы вырашылі падзяліцца імі. Калі вы даяце іншым дадаткам і паслугам доступ да вашага ўліковага запісу YouVersion, дык паводле вашае згоды, тыя паслугі будуць мець доступ да вашых абагуленых дадзеных. Выкарыстаньне, збор ды ахова вашых дадзеных гэтакімі паслугамі ад трэціх асобаў падпарадкоўваюцца палітыкам тых трэціх асобаў.

Унутранае раскрыцьцё інфармацыі.

Мы апрацоўваем вашыя асабістыя дадзеныя непасрэдна ў Life.Church, каб спрыяць аб'яднаньню асабістых дадзеных, што ахопліваюцца рознымі аспэктамі YouVersion і нашымі іншымі прадуктамі ды паслугамі дзеля таго, каб забясьпечыць вас паслугамі спосабам, які зьяўляецца пэрсаналізаваным і карысным вам ды іншым.

Пастаўнікі паслугаў.

Мы можам раскрываць асабістую інфармацыю, якую мы зьбіраем або якую вы даяцё нам, як абмяркоўваецца ў гэтай Палітыцы прыватнасьці, падрадчыкам, пастаўнікам паслугаў ды іншым трэцім асобам, якімі мы карыстаемся, з адзінаю мэтаю падтрымліваць YouVersion (напрыклад, клаўд-хостынг, пастаўнікі кукі-файлаў, утрыманьне, аналіз, аўдыт, плацёж, выкрыцьцё ашуканства, камунікацыі ды разьвіцьцё). Напрыклад, некаторыя з плятформаў, што выкарыстоўваюцца, каб адсылаць эмэйлы ды апавяшчэньні ў YouVersion, будуюцца ды кіруюцца трэцімі асобамі, і некаторая частка вашае інфармацыі бясьпечна адсылаецца тым паслугам дзеля таго, каб гэтакая функцыянальнасьць была магчымаю. Яны будуць мець доступ да вашае інфармацыі толькі ў меру разважнае неабходнасьці, каб выконваць гэтакія заданьня ад нашае асобы, і яны ёсьць абавязанымі не раскрываць яе і не выкарыстоўваць яе дзеля іншых мэтаў.

Пастаўнікі зьместу YouVersion.

Мы карыстаемся пэўнымі трэцімі асобамі, каб стварыць пэўны кантэнт YouVersion, напрыклад пляны чытаньні. Мы ня дзелімся асабістай інфармацыяй карыстальнікаў YouVersion з гэтымі трэцімі асобамі. Аднак мы забясьпечваем гэтыя трэція асобы агульнай аналітыкай, што тычыцца выкарыстаньня іхняга кантэнту, празь безасабовыя ды ананімныя дадзеныя.

Нашая здольнасьць забясьпечваць розныя пераклады Бібліі на розных мовах зьяўляецца вынікам і падпарадкоўваецца пагадненьням паміж намі ды пэўнымі Біблійнымі таварыствамі й выдавецтвамі, якія мы будзем называць "Пастаўнікі Бібліі ў YouVersion". Ліцэнзійныя пагадненьні, што мы маем зь некаторымі пастаўнікамі Бібліі ў YouVersion толькі дазваляюць нам забясьпечваць карыстальнікаў YouVersion магчымасьцю спампоўваць пэўныя біблійныя тэксты дзеля афлайн-выкарыстаньня, калі мы дамо пастаўнікам Бібліі ў YouVersion імя карыстальніка, ягоны электронны адрас і краіну дзеля будучае камунікацыі. Калі тое ёсьць верным у выпадку з тэкстам, які вы хочаце спампаваць дзеля афлайн-выкарыстаньня, дык мы (i) толькі дзелімся гэтай інфармацыяй з пастаўніком Бібліі ў YouVersion дзеля афлайн-выкарыстаньня паводле вашага запыту; (ii) робім тое прыватна й толькі тады, калі пастаўнік Бібліі ў YouVersion пагаджаецца захоўваць інфармацыю, якой мы дзелімся пра вас, прыватнаю; і (iii) адсылаем дадатковае паведамленьне вам у якасьці напамінку аб гэтых умовах, зь якімі вы тады мусіце пагадзіцца, каб працягнуць спампоўку. Калі вы не пагаджаецеся з гэтым дадатковым паведамленьнем, дык вы можаце працягваць карыстацца анлайн-вэрсіяй гэтага тэксту. Мы не падзелімся ніякай іншай асабістай інфармацыяй ад вас зь ніякімі пастаўнікамі Бібліі ў YouVersion, і мы ня будзем дзяліцца ніякай інфармацыяй, пакуль вы не дасьцё згоду на нашае паведамленьне, якое потым дазволіць вам спампаваць тую афлайн-вэрсію. Вашыя ўзаемадзеяньні з пастаўнікамі Бібліі ў YouVersion адбываецца выключна паміж вамі й тым пастаўніком Бібліі ў YouVersion.

Юрыдычны працэс.

Магчыма, што нам трэба будзе раскрыць інфармацыю пра вас, калі гэта будзе запатрабавана законам, позвай у суд або іншымі юрыдычнымі працэсамі. Мы намагаемся паведамляць карыстальнікам аб юрыдычных патрабаваньнях наконт іхніх асабістых дадзеных, калі мы лічым тое належным, хіба толькі калі тое забараняецца законам або судоваю пастановаю, альбо калі той запыт зьяўляецца пільнаю патрэбаю. Мы можам аспрэчваць такія патрабаваньні калі лічым, што гэтыя запыты зьяўляюцца няяснымі, невыразнымі або калі ім бракуе належнага паўнамоцтва, але мы не абяцаем аспрэчваць кожнае патрабаваньне. Мы таксама можам раскрываць вашую інфармацыю, калі мы сапраўды лічым, што гэнае раскрыцьцё зьяўляецца неабходным дзеля (i) дасьледаваньня, прадухіленьня або прыняцьця мераў адносна падазраваных або сапраўдных незаконных дзеяньняў або аказаньня дапамогі дзяржаўным органам; (ii) упаўнаважаньня нашых з вамі пагадненьняў; (iii) дасьледаваньня й нашай уласнай абароны ад хоць-якіх прэтэнзіяў або абвінавачаньняў ад трэціх асобаў; (iv) аховы бясьпекі або суцэльнасьці YouVersion; або (v) выкананьня або абароны правоў ды бясьпекі Life.Church, карыстальнікаў, пэрсаналу або іншых. Мы таксама захоўваем права канфідэнцыйна раскрываць асабістую інфармацыю, якую мы маем пра вас, у сувязі з магчымай або сапраўдным зьліцьцём або купляй, напрыклад з продажам усіх або практычна ўсіх нашых актываў.

Як рабіць запыты.

Што да асабістых дадзеных, якія мы маем пра вас, то вы можаце запытаць наступнае:

• Выдаленьне

  : Вы можаце папрасіць, каб мы выдалілі ўсе вашыя асабістыя дадзеныя або іхнюю частку. Зьвярнеце ўвагу, што тое можа абмежаваць вашую здатнасьць карыстацца пэўнымі функцыямі YouVersion. Калі ласка заўважце, што дзеля стварэньня ўліковага запісу сябры, патрэбны адрас электроннае пошты, каб мы маглі належным чынам заверыць патэнцыйных карыстальнікаў гэнага ўліковага запісу.

• Выпраўленьне/мадыфікацыя

  : Вы можаце рэдагаваць некаторыя асабістыя дадзеныя праз ваш уліковы запіс або папрасіць нас зьмяніць, аднавіць або выправіць вашыя дадзеныя ў пэўных выпадках, у тым ліку, калі ў іх ёсьць памылкі.

• Не згадзіцца альбо абмежаваць выкарыстаньне дадзеных

  : Вы можаце папрасіць нас спыніць выкарыстаньне ўсіх або частцы вашых асабістых дадзеных, альбо абмежаваць іх выкарыстаньне.

• Права на доступ і/або атрыманьне вашых дадзеных

  : Вы можаце папрасіць у нас копію або раскрыцьцё асабістых дадзеных, якія вы далі нам.

Некаторыя законы могуць прадугледжваць права рабіць гэтыя й дадатковыя запыты, што тычацца вашае асабістае інфармацыі. Калі вы далі нам асабістую інфармацыю і жадаеце зрабіць такі запыт у адпаведнасьці з законам пэўнага рэгіёну, калі ласка, адашлеце свой запыт на help@youversion.com і дадайце фразу "[Вашая вобласьць/Краіна] запыт прыватнасьці" да тэмы эмэйлу.

Каб зрабіць гэтыя або ўсякія іншыя запыты наконт вашае асабістае інфармацыі, можаце адаслаць ліст на help@youversion.com або Life.Church, attn.: YouVersion Support, 4600 E. 2nd St., Edmond, Oklahoma 73034.

Просім асобаў, што робяць запыты, ідэнтыфікаваць сябе прынамсі сваім імем, адрасам ды электронным адрасам і ідэнтыфікаваць інфармацыю, да якой яны жадаюць мець доступ, адрэдагаваць або выдаліць, перад тым, як мы пачнем апрацоўваць хоць-якія запыты. Мы можам адмовіцца апрацоўваць запыты, калі мы ня можам праверыць таясамасьць запытніка; калі мы лічым, што запыт ставіць пад небясьпеку прыватнасьць іншых асобаў; калі мы лічым, што запыт парушае хоць-які закон або юрыдычнае патрабаваньне; калі мы лічым, што запыт зробіць дадзенымі няправільнымі, або праз падобныя законныя прычыны.

Мы ня будзем дыскрымінаваць вас за зьдзяйсьненьне хоць-якіх вашых правоў паводле дзейнага закону. Мы не бярэм плату за апрацоўку або адказ на ваш запыт, хіба толькі калі ён ёсьць празьмерным, залішнім або відавочна неабгрунтаваным. Калі мы вызначым, што запыт патрабуе платы, дык мы паведамім вам, чаму мы прынялі тое рашэньне й забясьпечым вас каштарысам перад тым, як пачнем апрацоўваць ваш запыт.

Выдаленьне ўліковага запісу.

Калі вы вырашаеце зачыніць свой уліковы запіс або просіце нас адрэдагаваць або часткова альбо цалкам выдаліць вашыя асабістыя дадзеныя, дык мы захаваем вашыя асабістыя дадзеныя, калі мы маем юрыдычнае права або абавязак захоўваць дадзеныя, або каб выконваць нарматыўныя патрабаваньні, вырашаць спрэчкі, захоўваць бясьпеку, прадухіляць круцельства й гвалт, выконваць нашыя правы або выконваць усякія іншыя запыты ад вас (напрыклад, адмовіцца ад далейшых паведамленьняў або дзеля копіі вашых дадзеных). Інакш, калі вы просіце нас зачыніць ваш уліковы запіс, мы выдалім ваш уліковы запіс ды ўсё дадзеныя, зьвязаныя з вашым уліковым запісам, якія ў нас ёсьць, за выняткам сукупнае статыстыцы, заснаванае на дэідэнтыфікаванай інфармацыі ды высновах, што мы робім з тае інфармацыі. Мы таксама захаваем агульны падлік сумы спампаваных дадаткаў YouVersion, што будзе ўлучаць той факт, што вы спампавалі YouVersion, без захаваньня асабістых дадзеных, зьвязаных з тым уліковым запісам.

Мы ня маем кантролю над інфармацыяй, якой вы падзяліліся зь іншымі празь YouVersion, пасьля таго, як вы закрылі свой уліковы запіс, або папрасілі выдаліць інфармацыю, або паспрабавалі выдаліць свой уліковы запіс самастойна. Інфармацыя й кантэнт, якія вы абагулілі, могуць працягваць паказвацца на іншых плятформах (напрыклад, у выніках пошукавае сыстэмы), пакуль не адновіцца кэш.

Каб абараняць вашыя дадзеныя, мы прымаем пэўныя меры бясьпекі. Тое ўлучае шыфраваньне вашых дадзеных падчас таго, як яны перадаюцца з вашае прылады або праглядальніка на нашыя сэрвэры й падчас таго, як яны стаяць. Дадзеныя, што мы атрымліваем празь YouVersion таксама захоўваюцца ў сыстэме кіраваньня інфраструктурай, сэртыфікаванай ISO 27017, што азначае што яна была правераная й прызнаная адпаведнай стандартам сыстэме кіраваньня стандарту ISO 27017, міжнародна прызнанага кодэксу практыкі кіраваньні інфармацыйнай бясьпекай для клаўд-паслугаў.

Аднак улічваючы характар камунікацыйных ды інфармацыйных тэхналёгіяў, а таксама той факт, што карыстаньне інтэрнэтам мае ўласьцівую рызыку, хоць мы і рэгулярна адсочваем магчымыя ўразьлівасьці ды напады, мы ня можам абяцаць або гарантаваць, што дадзеныя, якія мы атрымліваем празь YouVersion, або якія мы захоўваем у нашых сыстэмах, будуць цалкам вольныя ад несанкцыяваных нападаў з боку іншых асобаў, і мы ня можам абяцаць або гарантаваць, што гэтыя дадзеныя ня змогуць стаць даступнымі, раскрытымі, зьмененымі або выдаленымі праз зламаньне нашых фізычных, тэхнічных або кіраўнічых засьцярогаў.

Мы не зьбіраем асабістую інфармацыю ад асобаў, якім паводле нашых ведаў ня споўнілася 16 гадоў, бяз згоды бацькоў або законнага апекуна тае непаўналетняе асобы.

Адзін з бацькоў або апякун можа даць згоду на выкарыстаньне свайго уліковага запісу ў YouVersion непаўналетняю асобаю праз профіль таго бацькі або апекуна альбо праз другасны профіль аднаго з бацькоў/апекуна ў плятформе, вядомай як "Біблія для дзяцей". Калі вы дазваляеце вашаму непаўналетняму дзіцяці карыстацца вашым уліковым запісам (праз ваш профіль або праз профіль у "Бібліі для дзяцей"), то вы становіцеся цалкам адказнымі за тое, каб наглядаць за дзейнасьцю непаўналетняе асобы пры карыстаньні YouVersion і тлумачыць ды выкарыстоўваць усякую інфармацыю або прапановы, што даецца ў YouVersion.

Каб стварыць другасны профіль, вам трэба будзе ўвайсьці ў свой уліковы запіс з вашай карыстальніцкай інфармацыяй, і выключна вы будзеце мець кантроль над тым профілем у Бібліі для дзяцей. Мы не патрабуем, каб вы давалі нам хоць-якую асабістую інфармацыю пра свайго непаўналетняга дзіцяці, каб стварыць профіль у Бібліі для дзяцей. Падчас стварэньня профілю для вашага непаўналетняга дзіцяці, вам трэба даць "Імя дзіцяці", каб ідэнтыфікаваць уліковы запіс; адылі, гэтае імя можа быць хоць-якім імем, што вы выбераце, і даваць сапраўднае імя або прозьвішча вашага непаўналетняга дзіцяці не зьяўляецца абавязковым.

Калі вы зьвязваеце дадзеныя вашага непаўналетняга дзіцяці з вашым уліковым запісам, дык мы будзем лічыць, што вы пагаджаецеся, што мы будзем апрацоўваць тую інфармацыю паводле гэтае палітыцы ды іншых абвестак аб прыватнасьці й умоваў, пра якія мы будзем час ад часу паведамляць вам. Калі вы дазваляеце вашаму непаўналетняму дзіцяці карыстацца YouVersion, дык мы просім, каб вы абмеркавалі з вашымі дзецьмі рызыку, што нясе ў сабе распаўсюджваньне асабістых дадзеных у інтэрнэце, і каб вы патрабавалі, каб яны не камунікавалі з трэцімі асобамі й не дзяліліся аніякай асабістай інфармацыяй зь YouVersion або з карыстальнікамі YouVersion. Калі вы лічыце, што мы маем нейкія дадзеныя ад або пра дзяцей да 16 гадоў, калі ласка напішэце нам на help@youversion.com.

Мы будзем зьбіраць і апрацоўваць асабістыя дадзеныя пра вас толькі там, дзе ў нас ёсьць на тое законныя падставы. Законныя падставы ўлучаюць згоду (дзе вы далі згоду), кантракт ды іншыя законныя інтарэсы. Гэтакія законныя інтарэсы ўлучаюць у сабе абарону вас, нас, іншых сябраў і трэціх асобаў; падпарадкаваньне дзейнаму закону; улучэньне й кіраваньне нашым бізнэсам; кіраваньне карпаратыўнымі апэрацыямі; агульнае разуменьне ды ўдасканальваньне нашых унутраных працэсаў і адносінаў з карыстальнікамі; а таксама магчымасьць зьвязвацца з вамі дзеля абмену інфармацыяй пры ўмове, што папярэдняе належным чынам абараняе вашыя правы і свабоды.

Калі мы разьлічваем на вашую згоду з апрацоўкай асабістых дадзеных, вы можаце адклікаць альбо адмаўляцца ад згоды, і калі мы разьлічваем на законныя інтарэсы, вы можаце выступаць супроць. Калі ў вас ёсьць пытаньні наконт законных падставаў, паводле якіх мы зьбіраем і выкарыстоўваем вашыя асабістыя дадзеныя, калі ласка, звяжэцеся з намі па адрасе help@youversion.com .

Мы можам час ад часу аднаўляць нашую Палітыку прыватнасьці, каб адлюстроўваць зьмены ў нашай практыцы. Life.Church безупынна шукае новых ды палепшаных спосабаў прапаноўваць YouVersion большаму колу людзей. Калі мы паляпшаем YouVersion, дык тое можа азначаць збор новых дадзеных або новыя шляхі выкарыстаньня дадзеных. YouVersion зьяўляецца дынамічнаю плятформаю, і мы безупынна жадаем даваць новыя функцыі, і тое можа патрабаваць зьменаў у зборы або апрацоўцы дадзеных. Калі мы станем зьбіраць істотна адрозныя асабістыя дадзеныя або істотна зьменім тое, як мы выкарыстоўваем вашыя дадзеныя, дык мы адновім гэтую Палітыку прыватнасьці.

Мы будзем разьмяшчаць усякія зьмены да нашае палітыцы прыватнасьці на гэтай старонцы. Калі мы зробім істотныя зьмены ў тым, як мы апрацоўваем асабістыя дадзеныя нашых карыстальнікаў, дык мы абавязкова паведамім, што палітыка прыватнасьці была адноўленая. Дата апошніх зьменаў Палітыцы прыватнасьці будзе ўказаная ў пачатку Палітыцы. Вы несяцё адказнасьць за тое, каб у нас быў ваш сапраўдны, актыўны і даступны адрас электроннае пошты, і за тое, каб пэрыядычна наведваць гэтую Палітыку прыватнасьці, каб праверыць яе на наяўнасьць зьменаў.