Familie Eerste Maak SaakVoorbeeld

VRIENDE



Dit wil voorkom asof die ontwikkeling van goeie vriendskappe vir God belangrik is. Daar is verskeie voorbeelde hiervan in die Bybel — Dawid en Jonatan, Jesus en Lasarus, Paulus en Barnabas. Die Bybel beskryf ware vriendskappe in Spreuke 27:6: "Die wonde veroorsaak deur iemand wat lief is vir jou is baie beter ... " Ons het vriende nodig wat 'n positiewe invloed op ons sal hê, vriende wat eendersdenkend is en dieselfde waardes as ons het.



Dit is vriende wat ons sal aanspoor en ons help om geestelik te groei. 'n Ware vriend is iemand wat met ons eerlik sal wees, selfs as dit seermaak. Iemand wat ons sal vertel wat ons moet hoor en ons nie net vlei nie. Daar is egter tye wanneer ons eerlik moet wees oor iets wat ons doen of beplan om te doen. Vriende is ons "aanspreeklikheidsgroep" en ons moet hulle raad vra. Ons almal neem besluite en die raad van ons vriende kan ons help om verstandige en goeie besluite te neem.



Jesus het gekies om vriende te hê terwyl Hy sy aardse bediening voltooi het. Vir drie jaar het hulle saam gewoon, saam geëet, saam gereis, saam gevier en selfs saam getreur. Trouens, die vriende wat Jesus gekies het, was gewone, maar opregte mans en nie díe wat invloedryk, geleerd en ryk was nie. Dit is ware vriendskap.



Ons kies vriende op grond van wie hulle as mense is en nie op grond van hul uiterlike nie. In Johannes 15:16 sê Jesus dat 'n ware vriend sy lewe vir jou sal aflê. Ons is Jesus se vriende en Hy het sy lewe vir ons aan die kruis afgelê en ons sondes gedra.