Vergeet van die Oorhand

Sommige "kenners" op die gebied van uitgaan, stel voor dat jy dit vir die ander persoon moeilik moet maak. Hulle beveel aan dat jy 'n sekere tydperk moet wag voordat jy na 'n romantiese afspraak met die ander persoon kommunikeer. Hulle waarsku daarteen om nie te vinnig te wys dat jy belangstel, of om die persoon te laat agterkom hoe jy regtig voel nie. Die doel? Om beheer te verkry — om die oorhand in die verhouding te hê. 

Die Bybel sê egter iets anders. 'n Verhouding is 'n geleentheid om die waarheid te praat. Om 'n ander persoon se behoeftes bo jou eie te stel. Om op 'n onselfsugtige manier om te gee vir die een in wie jy belangstel. Om 'n ander se geluk bo jou eie te begeer. Om soos Christus te wees.

Klink nogal anders, nê? God se benadering werk regtig.

Bid

Vader, die samelewing vertel my dinge wat teenstrydig is met wat u Woord sê. Help my om bo die geraas u waarheid te hoor. Help my om liefdevol op te tree, op 'n manier wat U en my maat respekteer. 

Die apostel Paulus beskryf hoe om mekaar lief te hê — deur spesifieke houdings en gedrag.

Lees

Filippense 2:3

Nadenke

Dit is maklik om selfsugtig te wees sonder om dit te besef. Het jy al ooit geprobeer om die oorhand in 'n verhouding te kry? Hoekom? Wat was die eindresultaat?

Reageer

Dink aan een manier hoe om vandag jou maat te respekteer deur sy of haar belange bo jou eie te stel.