Ayuno (fasting)

Pagkatapos, si Jesus ay dinala ng Espiritu sa ilang upang tuksuhin ng diyablo. Siya’y nag-ayuno sa loob ng apatnapung araw at apatnapung gabi kaya’t siya’y nagutom. (Mateo 4:1-2)

Ang pag-aayuno ay ginagawa sa pamamagitan ng hindi pagkain o hindi pag-inom o ‘di kaya’y parehong hindi pagkain at pag-inom. Ito ay ginagawa nating mga Kristiyano bilang paraan ng paglilinis at paghahanda ng ating mga sariling makarinig mula sa Panginoon at hingin ang Kanyang gabay at direksyon para sa ating buhay, pamilya, ministeryo, komunidad, at bansa.

Maging si Hesus ay nag-ayuno ng apatnapung araw upang ihanda ang Kanyang sariling paglingkuran ang Panginoon at iligtas ang sangkatauhan.

Ngayong Semana Santa, pagbulay-bulayan natin ang ginawa ni Hesus para sa ating lahat sa pamamagitan ng mga salitang maiuugnay natin sa grasya ng Panginoon. Dalangin nating ito’y gamitin ng Diyos na instrumento upang mapaglalim pa ang Kanyang koneksyon sa atin at sa ating mga mahal sa buhay.