Pagtataas sa Antas ng Pamumuno sa Pamamagitan ng Karunungan ng BibliaHalimbawa

Ang kahulugan, o ibig sabihin, para sa salitang scaling na gagamitin ko sa Gabay sa Biblia ay:

—gawing mas malaki ang isang bagay patungkol sa sukat, sa halaga, atbp. kaysa sa dati 

—gawing mas malaki: palakihin, dagdagan, palakihin nang husto

Ang pangangailangan na ganito kalaki ay nangangahulugang palalakihin natin ang kapasidad ng ating produksyon."

Bilang mga tagasunod ni Jesus, ang pagtataas ng antas ng ating pamumuno gamit ang karunungan mula sa Biblia ay kinakailangan at mahalaga sa ating panahon ngayon. Kailangan nating palakihin, dagdagan, palakihin nang husto ang ating mga sarili, at palaguin ang ating kapasidad sa pamumuno upang harapin ang nangyayari sa ating kapaligiran. Ang mabilis na pagbabago ng teknolohiya, ang pabago-bagong sistema upang mapasigla ang mga kawani at koponan, at ang nagbabagong ekonomiyang pandaigdigan ay ilan lamang sa mga suliraning ating kakaharapin at ang paggamit ng mga katotohanan mula sa Biblia ay makapagpapalalim sa ating pang-unawa. 

Ngunit ang pagtataas ng ating antas ng pamumuno ay hindi lamang sa lugar ng ating trabaho. Kailangan din nating pataasin ang antas ng ating pamumuno sa tahanan kasama ang ating pamilya at maging ang iba nating mga pakikipag-ugnayan. Maaaring ito ay tila sobra na, ngunit sa pangkalahatan, naniniwala akong may mahalaga siyang sinasabi: 

"Sa mundong ito, maaaring ikaw ay lumalago, o ikaw ay namamatay, kaya't kumilos ka at lumago." —Lou Holtz

Maaaring tayo ay lumalago o namamatay. Patataasin natin ang antas ng ating pamumuno o babawasan ito. Maaaring ngayon ang tamang panahon upang sabihin ito—ang pagtataas ng antas ng ating pamumuno ay hindi magiging madali.Ang pamumuhunang ito at sadyaing gawin ang ganitong uri ng paglago ay magdadala sa atin sa mga mapanghamong sitwasyon at itutulak tayong palayo sa ating mga nakasanayan. Kung hindi natin gagawin ito, hindi natin mararating ang potensyal na inilaan para sa atin ng Diyos. 

"Kung tayo ay lumalago, tayo ay laging lalabas sa ating mga nakasanayan." — John Maxwell

Sa nakalipas na higit sa 25 taon bilang tagasunod ni Cristo, bilang isang tagapagtatag at pinuno ng ministeryo, at isang negosyante, natagpuan kong ang Biblia ay punung-puno ng mga kasaysayan, mga halimbawa, at praktikal na payo na napakahalaga para sa atin. Panahon na upang hamunin natin ang ating mga sarili sa pamamagitan ng paggamit ng Salita ng Diyos upang ilabas tayo sa ating mga nakasanayan. Handa ka na bang pataasin ang antas ng iyong pamumuno? Kung gayon, ang Pagpapataas ng Antas ng Pamumuno sa Pamamagitan ng Karunungan sa Biblia ay makakatulong sa iyong magawa ito. 

Ang berde ay ang pangkalahatang kulay na nagbibigay ng pahintulot na umabante. Sa iyong pag-scroll sa berdeng arrow, maglaan ng isang sandali upang ihanda ang iyong puso at isip sa pamamagitan ng simpleng panalanging ito. 

O Diyos, narito akong nakahandang makinig sa Iyo. Tulungan Mo akong marinig ang Iyong sasabihin upang hindi ko mapalampas ang nais Mong ipahayag sa akin sa paglalakbay kong ito.