Soma Biblia Kila Siku/AGOSTI 2023Mfano

Mahitaji ya mtu kimwili na kiroho ni nini? Uponyaji ulivuta watu wengi kumwendea Yesu.Mkutano mkuu wakamfuata, kwa sababu waliziona ishara alizowafanyia wagonjwa(m.2). Ishara ya kuwalisha watu zaidi ya elfu tano kwa mikate mitano na samaki wawili, kisha kubaki vikapu 12, iliwafanya watu wamwone kuwa nabii, na wakasema, Hakika huyu ni nabii yule ajaye ulimwenguni(m.14). Lakini je, lengo la ishara ni hili tu? Kwamba watu wale na kusaza tu na wamwone Yesu kuwa nabii tu? Hasha! Ishara zitusaidie kumwamini Yesu kuwa ndiye Kristo, Mwana wa Mungu na Mwokozi wetu. Kumbukakuna ishara nyingine nyingi alizozifanya Yesu mbele ya wanafunzi wake, zisizoandikwa katika kitabu hiki. Lakini hizi zimeandikwa ili mpate kuamini ya kwamba Yesu ndiye Kristo, Mwana wa Mungu; na kwa kuamini mwe na uzima kwa jina lake(Yn 20:30-31). Utoshelevu wa mahitaji ya mtu ni uzima wa milele.