Soma Biblia Kila Siku/ Aprili 2023Mfano

Ni Alhamisi ya Chakula cha Bwana. Ushirika Mtakatifu ni sehemu muhimu ya ibada ya Kikristo. Ni agizo la Yesu kuwa tukutanikapo katika Ushirika Mtakatifu, tufanye hivyo kwa ukumbusho wake: Akaumega mkate, akasema, Huu ndio mwili wangu ulio kwa ajili yenu; fanyeni hivi kwa ukumbusho wangu. Na vivi hivi baada ya kula akakitwaa kikombe, akisema, Kikombe hiki ni agano jipya katika damu yangu; fanyeni hivi kila mnywapo, kwa ukumbusho wangu (m.24-25). Inatukumbusha kifo cha Yesu msalabani ambapo alizichuka dhambi zetu. Kwa kupigwa kwake sisi tumepona (1 Pet 2:24; Isa 53:5). Lakini katika kushiriki tunatangaza pia kurudi kwake mara ya pili. Ndiyo maana tunaimba, Kufa kwake twakutangaza, kufufuka kwake twakukiri, kurudi kwake twakutazamia. Utukufu una wewe, Bwana.