Soma Biblia Kila Siku 11Mfano

Mambo magumu sana yalipotukia kwa Daudi hayakumfanya amsahau au kumdharau Mungu, bali yalizidi kumfanya awe karibuna Mungu. Huenda alitunga Zab 143 kwa wakati huo. Kwa hiyo alipokuwa ameshinda matatizo, Daudi akatambua wazi kwamba ni kwa msaada wa Bwana na akampa utukufu.Ndipo Daudi akasema, La, ndugu zangu, msitende hivyo katika hizo nyara alizotupa Bwana, ambaye ndiye aliyetuhifadhi, akalitia mikononi mwetu lile jeshi lililokuja kinyume chetu(m.23). Basi Daudi alipofika Siklagi, aliwapelekea wazee wa Yuda, rafiki zake, sehemu ya nyara, akasema, Angalieni, zawadi yenu katika nyara za adui za Bwana(m.26). Bwana ana uwezo wa kuyageuza mabaya ili yawe baraka kwa mtu anayemtegemea. Nasi twajua ya kuwa katika mambo yote Mungu hufanya kazi pamoja na wale wampendao katika kuwapatia mema, yaani, wale walioitwa kwa kusudi lake(Rum 8:28). Pia tunaona Daudi ni mfano wa Kristo kwa kuwatendea wote haki na upendo!