Yud UTANGULIZI
UTANGULIZI
Mwandishi wa Waraka huu mfupi huaminiwa kuwa ni nduguye Yesu Kristo na Yakobo. Mapokeo ya Kanisa husema kuwa alikuwa kiongozi wa kanisa baada ya kifo cha Yakobo. Waraka wa Yuda unahesabiwa kati ya “Nyaraka kwa Watu Wote” (tazama utangulizi kwa Waraka wa Yakobo).
Kwa sehemu kubwa Waraka huu unahusu masuala yale yale yanayoshughulikiwa na ule Waraka wa Pili wa Petro. Makusudi yake ni kupinga mafundisho ya uongo ya watu walioleta migawanyiko katika jumuiya ya Kikristo yenye misingi ya ujuzi fulani. Mafundisho hayo yalisema kwamba mwenye uzoefu wa hali ya juu katika maisha ya kiroho akifanya dhambi yoyote ile haigusi usafi wa roho yake. Anasa, uzinzi na uasherati vilihesabiwa kuwa alama ya kukomaa kiroho (aya 4,6-8,12-13,16). Waraka unawahakikishia waumini kwamba hukumu ya Mungu itawakabili watu hao. Kwa upande mwingine, mwandishi anawataka Wakristo wajaribu kuwaokoa wale walio dhaifu na hata kuwaonyesha huruma watu ambao maisha yao maovu yanakataliwa na Wakristo (22-23).
Iliyochaguliwa sasa
Yud UTANGULIZI: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.