1 Sam 12
12
Samweli Atoa Hotuba ya Kuaga
1 #
1 Sam 8:5; 10:24; 11:14 Kisha Samweli akawaambia Israeli wote, Angalieni, nimeisikiliza sauti yenu katika hayo yote mliyoniambia, nami nimemtawaza mfalme juu yenu. 2#Hes 27:17; 1 Sam 8:20Basi sasa, angalieni, mfalme anakwenda mbele yenu; na mimi ni mzee, mwenye mvi; tena, tazameni, wana wangu wapo pamoja nanyi; nami nimekwenda mbele yenu toka ujana wangu hata leo. 3#Hes 16:15; Mdo 20:33; 1 The 2:5; Kum 16:19Nami nipo hapa; basi, mnishuhudie mbele za BWANA, na mbele ya masihi#12:3 Au mtiwa mafuta (taz. 1 Sam. 2:10). wake, nalitwaa ng’ombe wa nani? Au nalitwaa punda wa nani? Au ni nani niliyemdhulumu? Ni nani niliyemwonea? Au kwa mkono wa nani nimepokea rushwa inipofushe macho? Nami nitawarudishia ninyi. 4Nao wakasema, hukutudhulumu, wala hukutuonea, wala hukupokea kitu kwa mkono wa mtu awaye yote. 5#Yn 18:38; Mdo 23:9; 24:16; 2 Kor 1:12; Kut 22:4; Zab 17:3Akawaambia, BWANA ni shahidi juu yenu, na masihi#12:5 Au mtiwa mafuta (taz. 1 Sam. 2:10). wake ni shahidi leo, ya kuwa hamkuona kitu mkononi mwangu. Nao wakasema, Yeye ni shahidi. 6#Kut 6:26; Neh 9:9-14; Zab 77:19,20; Hos 12:13; Mik 6:4Samweli akawaambia watu, Ni yeye BWANA aliyewaweka Musa na Haruni, ndiye yeye aliyewatoa baba zenu kutoka nchi ya Misri. 7#Isa 1:18; 5:3; Mik 6:2,3; Amu 5:11Basi sasa simameni, ili niwahutubie mbele za BWANA, kwa kutaja matendo yote ya haki ya BWANA, aliyowatendea ninyi na baba zenu.
8 #
Kut 2:23
Yakobo alipokuwa ameingia Misri, na baba zenu walipomlilia BWANA, ndipo BWANA akawapeleka Musa na Haruni, nao wakawatoa baba zenu kutoka Misri, wakawakalisha mahali hapa. 9#Amu 3:12; 4:2; 13:1Lakini wakamsahau BWANA, Mungu wao, naye akawauza na kuwatia katika mikono ya Sisera, jemadari wa jeshi la Hazori, na katika mikono ya Wafilisti, na katika mikono ya mfalme wa Moabu, nao wakapigana nao. 10#Amu 10:10-15Nao wakamlilia BWANA, wakasema, Tumefanya dhambi, kwa kuwa tumemwacha BWANA, na kuwatumikia Mabaali na Maashtorethi; lakini sasa utuokoe na mikono ya adui zetu, nasi tutakutumikia wewe. 11#1 Sam 3:20; Amu 4:6; 7:1; 11:29BWANA akawatuma Yerubaali, na Baraka, na Yeftha, na Samweli, akawaokoa ninyi na mikono ya adui zenu pande zote, nanyi mkakaa salama. 12#1 Sam 8:7,19; 10:19; Amu 8:23; Mwa 17:7Hata mlipomwona Nahashi, mfalme wa wana wa Amoni, amekuja kupigana nanyi, mliniambia, Sivyo, lakini mfalme atatutawala; ingawa BWANA, Mungu wenu, ni mfalme wenu. 13#Hos 13:11Basi sasa, mtazameni mfalme mliyemchagua na kumtaka; tazameni, BWANA ameweka mfalme juu yenu. 14#Kum 6:13; 10:12; 13:4; Yos 24:14; Zab 81:13; Mhu 8:12; Isa 3:10Kama mkimcha BWANA, na kumtumikia, na kuisikia sauti yake, msiiasi amri ya BWANA, tena kama ninyi, na mfalme anayewatawala, mkimfuata BWANA, Mungu wenu, vema! 15#Law 26:14; Kum 28:15; Yos 24:20Bali msipoisikia sauti ya BWANA, mkiiasi amri ya BWANA, ndipo mkono wa BWANA utakuwa juu yenu, kama ulivyokuwa juu ya baba zenu.
16Na sasa simameni, mkalione jambo hili kubwa, BWANA atakalolitenda mbele ya macho yenu. 17#Mit 26:1; Yos 10:12; 1 Sam 7:9; Yak 5:16; 1 Sam 8:7; Hos 13:10Leo je! Si mavuno ya ngano? Nitamwomba BWANA, kwamba apeleke ngurumo na mvua; nanyi mtajua na kuona ya kuwa uovu wenu ni mwingi sana, mlioufanya machoni pa BWANA, kwa kujitakia mfalme. 18#Kut 14:31; Ezr 10:9Basi Samweli akamwomba BWANA, naye BWANA akapeleka ngurumo na mvua siku ile; nao watu wote wakamwogopa BWANA sana, na Samweli pia. 19#Mwa 20:7; Kut 9:28; 10:17; Zab 78:34,35; Mdo 8:24; Yak 5:15; 1 Yoh 5:16Watu wote wakamwambia Samweli, Utuombee sisi watumwa wako kwa BWANA, Mungu wako, tusije tukafa; maana tumeongeza dhambi zetu zote kwa uovu huu, wa kujitakia mfalme. 20Samweli akawaambia, Msiogope; ni kweli mmeutenda uovu huu wote; lakini msigeuke na kuacha kumfuata BWANA, bali mtumikieni BWANA kwa mioyo yenu yote. 21#Yer 16:19; Hab 2:18; 1 Kor 8:4Wala msigeuke upande, maana, kufuata vitu vya ubatili, 22#Zab 106:8; Yer 14:21; Mal 1:2; Mt 11:26; Yn 15:16visivyoweza kusaidia wala kuokoa, kwa kuwa havifai kitu. Maana BWANA hatawaacha watu wake kwa ajili ya jina lake kuu; kwa kuwa imempendeza BWANA kuwafanya ninyi kuwa watu wake mwenyewe. 23#1 Kor 9:16; Mdo 12:5; Rum 1:9; Kol 1:9; 2 Tim 1:3; 1 Fal 8:36; 2 Nya 6:27; Yer 6:16Walakini mimi, hasha! Nisimtende BWANA dhambi kwa kuacha kuwaombea ninyi; lakini nitawaelimisha katika njia iliyo njema, na kunyoka 24#Ezr 9:13Mcheni BWANA tu, mkamtumikie kwa kweli kwa mioyo yenu yote; maana, kumbukeni jinsi alivyowatendea mambo makuu. 25#Yos 24:20; Kum 28:36Lakini kama mkiendelea kutenda mabaya, mtaangamia, ninyi na mfalme wenu pia.
Iliyochaguliwa sasa
1 Sam 12: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.