Mataio 1
1
Ko te Gafa o Iehu
(Luka 3.23-38)
1Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.
2Ko Apelaamo te tamana o Ihaako, ko Ihaako te tamana o Iakopo, ko Iakopo te tamana o Iuta ma ona uho, 3ko Iuta te tamana o Fāleha ma Helā (ko to lā mātua ko Tamala), ko Fāleha te tamana o Hehaloma, ko Hehaloma te tamana o Alama, 4ko Alama te tamana o Aminatapu, ko Aminatapu te tamana o Nahona, ko Nahona te tamana o Halamona, 5ko Halamona te tamana o Poaha (ko tona mātua ko Lahapa), ko Poaha te tamana o Opeta (ko tona mātua ko Luta), ko Opeta te tamana o Iehe, 6ko Iehe te tamana o Tavita te tupu. Ko Tavita te tamana o Holomona (ko tona mātua nae āvaga ki a Ulia), 7ko Holomona te tamana o Lepoamo, ko Lepoamo te tamana o Apiaha, ko Apiaha te tamana o Ahafa, 8ko Ahafa te tamana o Iohefata, ko Iohefata te tamana o Iolama, ko Iolama te tamana o Ohia, 9ko Ohia te tamana o Iotama, ko Iotama te tamana o Ahā, ko Ahā te tamana o Ehekia, 10ko Ehekia te tamana o Manahe, ko Manahe te tamana o Amoha, ko Amoha te tamana o Iohia, 11#2 Tup 24.14-15; 2 NT 36.10; Iel 27.20ko Iohia te tamana o Iekonaia ma ona uho, i nā aho o te fakaaunukuga ki Papelona.
12Mai te taimi talu te kave kehega o tagata i te fakaaunukuga ki Papelona; ko Iekonaia te tamana o Halatielu, ko Halatielu te tamana o Helupapelu, 13ko Helupapelu te tamana o Apiuta, ko Apiuta te tamana o Eliakimi, ko Eliakimi te tamana o Ahole, 14ko Ahole te tamana o Hatoka, ko Hatoka te tamana o Akimi, ko Akimi te tamana o Eliuta, 15ko Eliuta te tamana o Eleaha, ko Eleaha te tamana o Matana, ko Matana te tamana o Iakopo, 16ko Iakopo te tamana o Iohefa te āvaga a Malia, te mātua o Iehu, tē kua fakaigoa ko te Mehia. 17Ko tona uiga, e hefulufa ia tupulaga e kāmata mai ia Apelaamo ke pa ki a Tavita, e hefulufa ia tupulaga mai ia Tavita ki te fakaaunukuga ki Papelona, oi hefulufa foki ia tupulaga mai te fakaaunukuga ki te fānau mai o te Mehia.
Ko te Fānau mai o Iehu te Mehia
(Luka 2.1-7)
18 #
Luk 1.27
Ko te tala tēnei ki te fānau maiga o Iehu Keliho. Ko tona mātua ko Malia, na fakamau ke nonofo ma Iohefa. Ka ko hēki nonofo ki lāua, kae kua iloa e Malia ko ia kua to i te mana o te Agaga Paia. 19Ko Iohefa he tino e ia faia pea lava te mea e hako, kae e hēki fofou ke ia fakamahiahia ia Malia i mata o tagata; na tonu ai i tona māfaufau ke fakauma munimuni te lā fakamau ke nahe iloa e he tino. 20Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia. 21#Luk 1.31Ka fānau mai e ia he tama, ka fakaigoa e koe ki a Iehu, auā ka fakaola e ia ona tagata mai a lātou agahala.”
22Na tutupu nā mea uma iēnei ke taunuku ai te kupu a te Aliki na ala mai i te pelofeta, 23#Iha 7.14“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).
24Kua ala ia Iohefa, oi kavea ai e ia ia Malia ma ana āvaga, e vē ko te leaga ki ei o te agelu a te Aliki. 25#Luk 2.21Kae ko hēki uhu ia Iohefa ki a Malia, kae kua fānau e Malia he ataliki; oi fakaigoa ai e Iohefa ki a Iehu.
Currently Selected:
Mataio 1: TNT
Označeno
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.