मत्ती 1
1
यीशु मसीह रा खानदान
1अब्राहम राज़ा दाऊदा रा बुज़ुर्ग ती, राज़ा दाऊदा, यीशु मसीह रा बुज़ुर्ग ती, होर ऐ सा यीशु मसीह रा खानदान।
2अब्राहम इसहाका रा बापू ती,
इसहाक याकूबा रा बापू ती,
होर याकूब यहूदा होर तेइरै भाई रा बापू ती।
3यहूदा पेरेस होर जेरह रा बापू ती;
होर हेस्रोन पेरेसा रा बापू ती,
होर तामार तिन्हरी आमा ती।
4एराम अम्मीनादाबा रा बापू ती,
अम्मीनादाब नहशोना रा बापू ती,
नहशोन सलमोना रा बापू ती। (रूत 4:19-20)
5सलमोन बोअज़ा रा बापू ती राहाब तेइरी आमा ती,#1:5 राहाब यहूदी नैंई ती
बोअज़ ओबैदा रा बापू ती होर रूत तेइरी आमा ती,
ओबैद यिशै रा बापू ती,
6होर यिशै दाऊद राज़ा रा बापू ती,
होर दाऊद राज़ा सुलैमाना रा बापू ती, ज़ो पैहलै ऊरिय्याह री लाड़ी ती। #2 शमू. 12:24.
7होर सुलैमान रहबामा रा बापू ती,
रहबाम अबिय्याह रा बापू ती;
अबिय्याह आसरा बापू ती,
8आसा यहोशफाता रा बापू ती,
यहोशफात योरामा रा बापू ती,
होर योराम उज्जियाह रा बापू ती,
9उज्जियाह योतामा रा बापू ती,
होर योताम आहाजा रा बापू ती,
होर आहाज हिजकिय्याहा रा बापू ती,
10होर हिजकिय्याह मनश्शिह रा बापू ती,
मनश्शिह आमोना रा बापू ती,
होर आमोन योशिय्याह रा बापू ती।
11फिरी इस्राएली बै गुलाम बणाईया बैबीलोन ज़ाणै न पैहलै योशिय्याह यकुन्याह, होर तेइरै भाई रा दादा ती।#1:11 यिर्म. 27:20
12बन्दी होईया बैबीलोन पुजणै न बाद
यकुन्याह शालतियेला रा बापू ती,
होर शालतियेल जरूब्बाबिला रा बापू ती,
13जरूब्बाबिल अबीहूदा रा बापू ती,
हो अबीहूद इलयाकीमा रा बापू ती,
होर इलयाकीम अज़ोरा रा बापू ती,
14अज़ोर सदोका रा बापू ती,
सदोक अखीमा रा बापू ती,
होर अखीम इलीहूदा रा बापू ती,
15होर इलीहूद एलीआज़ारा रा बापू ती,
होर एलीआज़ार मत्ताना रा बापू ती;
मत्तान याकूबा रा बापू ती।
16याकूब यूसुफा रा बापू ती, ज़ो मरियमा रा लाड़ा ती, मरियमै यीशु पैदा केरु ज़ो मसीह कहलाइया सा।
17अब्राहमा न लेइया दाऊदा तैंईंयैं सैभ चौदह पीढ़ी हुई होर दाऊद न बैबीलोना बै बन्दी होईया पजाइणै तैंईंयैं चौदह पीढ़ी हुई, होर बंदी होईया बाबैला बै पजेरने रै बौगता न लेइया मसीह तैंईंयैं चौदह पीढ़ी हुई।
यीशु मसीह रा जन्म
18यीशु मसीह रै पैदा होंणै न पैहलै ऐ हुआ ती, कि ज़ैबै तेइरी आमा मरियमै री बौरनी यूसुफा सैंघै हुई, ऐथा न पैहलै कि ते लाड़ा लाड़ी बणिया सैंघै रौंहदै, सौ हाज़ी कुँआरी ती, पवित्र आत्मा सैंघै सुज़दी रौही। 19तैबै तेसरै मंगेतरै यूसुफै ज़ो धर्मी ती होर तेसा बै लोका रै सामनै बदनाम नी ती केरना च़ाँहदा, तेसा बै च़ुप-चाप छ़ौड़नै रा विच़ार केरू।
20ज़ैबै सौ इन्हां गैलै रै बारै न सोच़दा लागा ती ता प्रभु रा स्वर्गदूत तेइबै सुपने न हेरुइया बोलदा लागा, “ओ यूसुफ! दाऊद राज़ै रै खानदान, तू आपणी लाड़ी मरियमा बै आपणै औखै आंणनै बै मत डौरदा, किबैकि ज़ो तेसरै पेटा न सा, सौ पवित्र आत्मै री धिरै न सा। 21तेसा बेटा ज़ोंणना होर तू तेइरा नाँ यीशु रखेई, किबैकि तेई आपणै लोका रा तिन्हरै पापा न उद्धार केरना।”
22ऐ सैभ किछ़ एथै री तैंईंयैं हुआ कि ज़ो वचन प्रभुऐ यशायाह भविष्यवक्तै रै द्वारा बोलू सा, सौ पूरा लोड़ी हुआ।#यशा. 7:14. 23“हेरा, कुँआरी सुज़दी रौहणा होर एक बेटा ज़ोंणना, होर तेइरा नाँ इम्मानुएल रखिणा” (ज़ौसरा मतलब सा “परमेश्वर आसा सैंघै सा”)।
24यूसुफै नींज़ा न उठिया, प्रभु रै स्वर्गदूतै रै हुक्मा रै मुताबक मरियमा बै आपणी लाड़ी होंणै री तैंईंयैं आपणै घौरा बै आंणी। 25होर ज़ाँ ढौई तेसै बेटै बै जन्म नी धिना सौ तेसा सैंघै नी सुता होर ज़ैबै तेसै बेटै बै जन्म धिना ता यूसुफै तेई शोहरू रा न यीशु रखू।
Currently Selected:
मत्ती 1: KFX-NT
Označeno
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.