အစ္စရေးအတွက် ဆုတောင်းခြင်း -လူအဖွဲ့အစည်းများ

လူ့အဖွဲ့အစည်းတိုင်းတွင် တူညီသောအရာတစ်ခုခုဖြင့် စည်းလုံးမှုကို ဖြစ်စေပါသည်။ အစ္စရေးနိုင်ငံ၌ ပါရှိသော လူ့အဖွဲ့အစည်းတချို့အတွက် ဘုရားသခင်ထံ ဆုတောင်းကူပေးပါ။

ဂျူး သုတ်သင်ရေး စီမံကိန်းကပ်ဆိုမှ အသက်ရှင်ကျန်ရစ်သူများ (Holocaust survivors)
ဂျူး သုတ်သင်ရေး စီမံကိန်းကပ်ဆိုမှ အသက်ရှင်ကျန်ရစ်သူမျိုးဆက်များသည် တစ်နေ့ထက်တစ်နေ့ လျော့လာနေဆဲ ဖြစ်ပါသည်။ အစ္စရးနိုင်ငံ၌ နေထိုင်သော ဂျူးသုတ်သင်ရေး စီမံကိန်းကပ်ဆိုမှ အသက်ရှင်ကျန်ရစ်သူ အမြောက်အမြား အထီးကျန်သလို ဆင်းရဲဒုက္ခအမျိုးမျိုးကို ခံစားနေကြသည်။ သူတို့၏ ခန္ဓာဆိုင်ရာ၊ စိတ်ဆိုင်ရာနှင့် ဝိညာဉ်ဆိုင်ရာအလိုရှိသမျှတို့ကို ဘုရားသခင်အားဖြင့် ပြည့်စုံစေမည့်အကြောင်း ဆုတောင်းပေးပါ။ မေရှိယယေရှုခရစ်တော်ကို ယုံကြည်လက်ခံစေဖို့ ဘုရားသခင်သည် သူတို့၏ ဉာဏ်မျက်စိကို လင်းစေပါမည်အကြောင်း ဆုတောင်းပတ္ထနာပြုပေးပါ။

ဒုက္ခသည်များ
သူတို့ဘိုးဘေးတို့အား ငါပေးသောပြည်သို့ သူတို့ကို တစ်ဖန်ငါဆောင်ခဲ့ဦးမည်ဟု ထာဝရဘုရား မိန့်တော်မူပါပြီ။ ကမ္ဘာတစ်ဝှမ်းရှိ ဂျူးလူမျိုးများသည် 'အလီရာ (aliyah)' တည်းဟူသော အစ္စရေးနိုင်ငံသို့ ပြောင်းရွှေ့နေထိုင်ခြင်းကို ပြုလုပ်ကြသည်။ အများစုသည် အီသီယိုးပီးယားနိုင်ငံ၊ အိန္ဒိယနိုင်ငံ၊ ရုရှားနိုင်ငံနှင့် အခြားနိုင်ငံများမှ ပြောင်းရွှေ့လာကြသည်။ သို့သော်၊ ၎င်းဂျူးလူမျိုးများသည် အစ္စရေးနိုင်ငံတွင် နေထိုင်သောအခါ၊ သာယာသောဘဝကို မရရှိကြချေ။ အခြားဘာသာစကား၊ ပညာရေးနှင့် အလုပ်အကိုင် အခက်အခဲအမျိုးမျိုးကို ကြုံနေကြရသည်။ အစ္စရေးနိုင်င်ရှိ ဒုက္ခသည်လူစုများသည် အစ္စရေးနိုင်ငံထံ ရွှေ့ပြောင်းနေထိုင်သောလူစုများကို စုစည်းလျက် ကြီးပွားတိုးတက်စေဖို့ ဆုတောင်းပါ။ ထိုသူတို့သည် သတင်းကောင်းမြတ်ကို ကြားလျက် ယေရှုခရစ်တော်ကို ယုံကြည်လက်ခံမည့်အကြောင်း ဆုတောင်းကူညီပါ။

ဂျူးယုံကြည်သူများ
အစ္စရေးနိုင်ငံတွင် ဂျူးယုံကြည်သူထောင်ပေါင်းများစွာရှိပြီး အမျိုးသားချင်းဖြစ်သော ဂျူးညီကိုမောင်နှမများလည်း မေရှိယသခင်ယေရှုကို ယုံကြည်လာစေဖို့ စေတနာအလိုရှိကြသည်။ သူတစ်ပါးထံ ဘုရားသခင်၏မေတ္တာတော်နှင့် သတင်းကောင်းမြတ်ကို ဝေငှစေဖို့ ကိုယ်တော်သည် ဂျူးယုံကြည်သူများကို အသုံးပြုမည့်အကြောင်း ဆုတောင်းပါ။