Дуулал 6
6
Үхлүүт өвчнөөс эдгэхийн төлөө залбирал
Удирдаачид. Давидын дуулал, чавхдаст хөгжимд. Шеминитийн дагуу.
1ЭЗЭН, уураараа намайг бүү зэмлээч.
Хилэнгээрээ намайг бүү гэсгээгээч.
2Сул доройгийн минь учир
ЭЗЭН, намайг өршөөгөөч.
Яс минь янгинахын учир
ЭЗЭН, намайг эдгээгээч.
3Сэтгэл минь ихэд шанална.
ЭЗЭН минь, гэвч Та хэр удах вэ?
4ЭЗЭН, эргэн ирж,
сэтгэлийг минь хэлтрүүлээч.
Энэрэл хайрынхаа учир
намайг авраач.
5Үхдэл нь Таныг үл дурсана.
Үхэгсдийн оронд хэн Танд талархах вэ?
6Ёололдоо би туйлдав.
Хайлалдаа ор минь шөнө бүр живнэм.
Нулимсанд нэвчив, дэвсгэр минь.
7Гашуудлаас болж нүдний минь гал бөхөв.
Өстнүүдээсээ болж нүд минь харанхуйлав.
8Ёс бусыг үйлдэгчид та бүгд надаас холд
Учир нь ЭЗЭН миний уйлан гингэнэх дууг сонсов.#Мт 7:23; Лк 13:27
9ЭЗЭН миний гуйлтыг сонссон бөгөөд
ЭЗЭН миний залбирлыг хүлээн авдаг.
10Миний бүх дайсан ичгүүрт орж, ихэд зүрхшээнэ.
Тэд гэнэт ичиж, ухрах болно.
Одоогоор Сонгогдсон:
Дуулал 6: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.