Дуулал 16
16
Итгэлийн дуу ба Бурханы хамгаалалт
Давидын миктам.
1Намайг хамгаалаач Бурхан,
Учир нь Таны дотор би хоргоддог.
2Би ЭЗЭНд “Та миний Эзэн
Танаас өөр сайн сайхан гэж надад үгүй” гэж хэлэв.
3Газар дэлхийд байгаа ариун хүмүүсийн тухайд
Тэд гойд сайн бөгөөд
Бүх баяр жаргал минь тэдэнд байдаг.
4Өөр юмс шүтэгсдийн үйл лай үржинэ.
Ундаан өргөлийг нь цусаар би өргөхгүй,
Уруулаараа нэрийг нь ч гаргахгүй.
5ЭЗЭН миний өвийн ба
Аяганы минь хувь юм.
Та хувь ногдлыг минь тэтгэнэм.
6Надад тааламжтай газарт зураасуудыг татжээ.
Өв минь наддаа үнэхээр сайхан
7Надад зөвлөсөн ЭЗЭНийг би магтму
Шөнөөр ч оюун бодол минь намайг сургаму.
8ЭЗЭН өмнө минь үргэлж байсан.
Тэр миний баруун талд байдаг учраас
Би ганхахгүй.#Үйл 2:25–28
9Тиймээс зүрх минь баярлаж,
Алдар минь баясна.
Бие махбод минь ч
Аюулгүй оршино.
10Учир нь Та намайг
Үхэгсдийн оронд орхихгүй
Ариун Нэгэндээ нүх үзүүлэхгүй.#Үйл 13:35
11Өөрт минь Та амийн замыг таниулна
Өөрийн тань оршихуйд л баяр хөөр дүүрэн
Таны баруун мутарт
Баяр жаргал үүрд байдаг.
Одоогоор Сонгогдсон:
Дуулал 16: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.