យ៉ូហាន 12:1-8 ប្រាំមួយថ្ងៃមុនបុណ្យចម្លង* ព្រះ‌យេស៊ូយាងមកភូមិបេតថា‌នី ជាភូមិរបស់លោកឡាសារ ដែលព្រះអង្គបានប្រោសឲ្យរស់ឡើងវិញ។ នៅទីនោះ គេរៀបចំជប់‌លៀងថ្វាយព្រះ‌យេស៊ូ។ នាងម៉ាថាបម្រើភ្ញៀវ រីឯលោ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

យ៉ូហាន 12:1-8 គខប

ប្រាំមួយថ្ងៃមុនបុណ្យចម្លង* ព្រះ‌យេស៊ូយាងមកភូមិបេតថា‌នី ជាភូមិរបស់លោកឡាសារ ដែលព្រះអង្គបានប្រោសឲ្យរស់ឡើងវិញ។ នៅទីនោះ គេរៀបចំជប់‌លៀងថ្វាយព្រះ‌យេស៊ូ។ នាងម៉ាថាបម្រើភ្ញៀវ រីឯលោកឡាសារអង្គុយរួមតុជាមួយព្រះ‌យេស៊ូ និងអ្នកឯទៀត។ នាងម៉ារីយកប្រេងក្រអូបកន្លះ‌លីត្រ គឺប្រេងទេព្វិរូសុទ្ធដ៏មានតម្លៃលើស‌លុប មកចាក់លាបព្រះ‌បាទាព្រះ‌យេស៊ូ រួចយកសក់នាងជូត ក្លិនប្រេងក្រអូបសាយពេញផ្ទះ។ ពេលនោះ សិស្ស*ម្នាក់ឈ្មោះយូដាស‌អ៊ីស្កា‌រីយ៉ុត ដែលនឹងនាំគេមកចាប់ព្រះអង្គ ពោលឡើងថា៖ «ម្ដេចក៏មិនយកប្រេងក្រអូប ដែលមានតម្លៃបីរយដួង* ទៅលក់យកប្រាក់ចែកឲ្យជនក្រីក្រវិញ?»។ គាត់និយាយដូច្នេះ មិនមែនមកពីគាត់យកចិត្តទុកដាក់នឹងអ្នកក្រទេ គឺមកពីគាត់ជាចោរ គាត់កាន់ថង់ប្រាក់ ហើយតែងលួចយកប្រាក់ដែលគេដាក់ក្នុងថង់នោះ។ ប៉ុន្តែ ព្រះ‌យេស៊ូមានព្រះ‌បន្ទូលថា៖ «ទុកឲ្យនាងធ្វើតាមបំណងចិត្តនាងទៅ! នាងចាក់ប្រេងក្រអូបនេះសម្រាប់ថ្ងៃបញ្ចុះសពខ្ញុំ។ អ្នកក្រីក្រនៅជាមួយអ្នករាល់គ្នារហូត រីឯខ្ញុំវិញ ខ្ញុំមិននៅជាមួយអ្នករាល់គ្នារហូតទេ»។

អាន យ៉ូហាន 12

ស្ដាប់នូវ យ៉ូហាន 12

ប្រៀបធៀបគ្រប់ជំនាន់បកប្រែ: យ៉ូហាន 12:1-8