លោកុប្បត្តិ 15:2-6 លោកអាប់រ៉ាមទូលតបវិញថា៖ «បពិត្រព្រះ‌ជា‌អម្ចាស់ ព្រះអង្គប្រទានអ្វីមកទូលបង្គំក៏ឥតប្រយោជន៍ដែរ ព្រោះទូលបង្គំនឹងលាចាកលោកនេះទៅទាំងគ្មានកូន។ រីឯអ្នកដែលនឹងទទួលកេរ‌មត៌ករបស់ទូលបង្គ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

លោកុប្បត្តិ 15:2-6 គខប

លោកអាប់រ៉ាមទូលតបវិញថា៖ «បពិត្រព្រះ‌ជា‌អម្ចាស់ ព្រះអង្គប្រទានអ្វីមកទូលបង្គំក៏ឥតប្រយោជន៍ដែរ ព្រោះទូលបង្គំនឹងលាចាកលោកនេះទៅទាំងគ្មានកូន។ រីឯអ្នកដែលនឹងទទួលកេរ‌មត៌ករបស់ទូលបង្គំ គឺអេលា‌ស៊ើរជាអ្នកក្រុងដាម៉ាសឯណោះវិញ»។ លោកមានប្រសាសន៍ទៀតថា៖ «ព្រះអង្គពុំបានប្រទានឲ្យទូលបង្គំមានកូនបន្តពូជសោះ គឺមានតែអ្នកបម្រើក្នុងក្រុមគ្រួសាររបស់ទូលបង្គំប៉ុណ្ណោះ ដែលនឹងទទួលកេរ‌មត៌កតពីទូលបង្គំ»។ ប៉ុន្តែ ព្រះ‌អម្ចាស់មានព្រះ‌បន្ទូលមកកាន់លោកថា៖ «មិនមែនអ្នកបម្រើទេ គឺកូនដែលនឹងកើតចេញពីអ្នកវិញឯ‌ណោះ ជាអ្នកទទួលមត៌ក»។ ព្រះអង្គនាំលោកចេញទៅក្រៅ ហើយមានព្រះ‌បន្ទូលថា៖ «ចូរងើយមើលទៅលើមេឃ ហើយរាប់ចំនួនផ្កាយមើល៍ តើអ្នកអាចរាប់អស់ទេ?»។ ព្រះអង្គមានព្រះ‌បន្ទូលថែមទៀតថា៖ «ពូជ‌ពង្សរបស់អ្នកក៏នឹងមានចំនួនច្រើន ដូចផ្កាយទាំងនោះដែរ»។ លោកអាប់រ៉ាមជឿលើព្រះ‌អម្ចាស់ ហើយដោយយល់ដល់ជំនឿនេះ ព្រះអង្គប្រោសលោកឲ្យបានសុចរិត* ។

អាន លោកុប្បត្តិ 15

ស្ដាប់នូវ លោកុប្បត្តិ 15

ប្រៀបធៀបគ្រប់ជំនាន់បកប្រែ: លោកុប្បត្តិ 15:2-6