Psalmyn 1
1
THE FIRST DAY.
MORNING PRAYER.
PSAL. 1.
Beatus vir, qui non abiit.
1Bannit ta’n dooinney nagh vel er n’immeeaght ayns coyrle ny mee-chrauee, ny er hassoo ayns raad peccee:
as nagh vel er hoie ayns stoyl ny craidoilee;
2Agh ta e haitnys ayns leigh yn Chiarn:
as ayns y leigh echeysyn nee eh eh hene y chliaghtey laa as oie.
3As bee eh myr billey soit rish oirr yn ushtey:
ver magh e vess ayns imbagh cooie.
4E ghuillag neesht cha jean fioghey:
as jeeagh, cre-erbee t’eh dy yannoo, te cheet lesh.
5Er son ny mee-chrauee, cha vel eh myr shen mâroosyn:
agh t’ad goll-rish y choau ta’n gheay dy heebey veih eddin y thallooin.
6Shen-y-fa cha vod ny mee-chrauee shassoo ayns y vriwnys:
cha-moo ny peccee ayns chaglym y sleih ynrick.
7Son shione da’n Chiarn raad y sleih cairal:
as nee raad ny mee-chrauee cherraghtyn.
Trenutno odabrano:
Psalmyn 1: PS1765
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
maintained by the British and Foreign Bible Society