Jean 5
5
1Go né té nèn, ndò ke bo lo Juifdjé to, Jésus ao Jérusalem té.
2Tokou bwa man to nou Jérusalem té, ngosiba ke tadeo béh ria na Batidjé. Man nèn Juifdjé bar ria Béthesda. Kare kei mi to.
3Dooudjé ke ndjè rò toodjé baya baya isi kare kei té nèn, ndjè kem tòdjé, ndjè metedjé, ke dooudjé ke debe ròdè woei. Dooudjé nèn isi ta ngebe tokou man yè.
4Mbata nai kada kada, ange lo Mbaibé Seigneur dé ourou mè man té nèn ta karè yè. Goukoudang man yè mba, doou ke; ourou mè man té dongor, doou nèn dé madji, rò too la goto.
5Doou kada to nou, nè nto ke rò too bal dòmouta gérè djidjo.
6Tokou Jésus wo doou ke to, nè ngeré nè nto ke rò too bal baya baya bashénè, nè mpa narè, I ndiki ta dé madji wa?
7Ndjè rò too tél pa arè, Mbaibé, doou kada éh sem ta kilam mè man té ang, tokou man yè. Tokou ma mao ta kao, mare doou ao dongor arem.
8Jésus pa arè, I tarr, oun twa loi, ndja.
9Loshénè loshénè, rò too lo doou nèn goto, nè noun twa la, nè ndja.
10Ndò to ndò sabbat. Tokou ban Juifdjé pa are doou nèn ke rò too la goto, Ndò nèn to ndò sabbat, to ndò ta kare oto twa loi ang.
11Doou nèn tél tar aredè, Nè ke ndam madji, nè ndja mpa narem, Oun twa loi, ndja.
12Dèdè ndoudjè, Doou di a pa ari na, Oun twa loi, ndja wa?
13Doou nèn ke rò too la goto gerè ang, mbata Jésus ndai horo dooudjé té baya baya ke nou.
14Gè té ngadji, Jésus wo doou nèn mè tokou kei Allah té, nè mpa narè. Wo, bashénè ròi dé madji mba, eda né ke madjang marè ang, mbata kare né ke madjang wota a dai ang.
15Doou nèn ao pa are Juifdjé, to Jésus ke da nè madji.
16Juifdjé ngätar ke Jésus mbata tar nèn, mbata nè nda né nèn ndò sabbat té.
17Jésus tél tar aredè, Bòi da koula sar loshénè, mam nda koula to.
18Tokou ban Juifdjé sange deo ngeng ta tòlè mbata tar nèn, mbata ngem tar ndò sabbat kada ang, a mbata mmar Allah Bèdjè ndja to, mbata nè mpana nè ndja nasena ke Allah.
19Tokou ban Jésus tél pa aredè, Tokoro, tokoro, ma mpa maresè, Ngon ndja ase da né kada ke mèa ang, né ke nè no Bòi Allah a da, mbata né toï ke nè nda, Ngonè da né tokou ban tò.
20Mbata Bòi Allah ndiki Ngonè, nè ntòdjou Ngonè né toï ke nè ndja nda. Nè na tòdjè koula wota yéh nèn, ta kare mèsè isa.
21Mbata tokou Bòi Allah òrou ndjè yodjé aredè tébe, tokou ban Ngonè are tébe deo kadaba doou ke nè ndiki.
22Mbata Bòi Allah gange saria do doou té kada ang. Nè noun tar gange saria toï nongou dji Ngonè té mbä.
23Baa ta kare dooudjé toï ase bel Ngonè, deo kadaba tokou dèdè mmel Bòi Allah. Doou ke bel Ngon lo Allah ang, nè mmel Bòi Allah ang to, nè ke noulè.
24Tokoro, tokoro, ma mpa maresè, doou ke wo tar lom, ke nè no mèa té ke nè ke noulam, nè nisi ke tébe ke ke ndò ke ndò, nè ntéh loou saria té ang, nè ndai yo mba, nè ntéh tébe té.
25Tokoro, tokoro, ma mpa maresè, ndò ao dé, éh loshénè mba, ndò ke ndjè yodjé a ko ndou Ngon lo Allah, ke dèdè ke do da kinga tébe.
26Mbata tokou Bòi Allah isi ke tébe mèa té ndja, tokou ban deo kadaba nè nare Ngonè ta kisi ke tébe mèa té ndja.
27Nè noun tè nare Ngonè ta gange saria, mbata nè nto Ngon lo doou.
28Mèsè isa ang mbata né nèn, mbata ndò ao dé, ndò ke dooudjé toï ke mè bwa yo té, dèdè da ko ndouè.
29Dèdè da téh daka. Dèdè ke nda madji mba, dèdè da kï ke tébe, dèdè ke nda né ke madjang mba, dèdè da kï ke saria.
30Ma ndja mase ta da né ke kadam ang. Tokou ma mo, bana mam ngange saria. Mam ngange saria gaté gaté, mbata mam nsange né ke mam ndiki ang, a né tokou nè ke noulam ndiki.
31Tokou ma mpa tar nadji lom ndja, tar nadji lom to tar ke tokoro ang.
32Mare doou to ke pa tar nadji lom. Mam ngeré tar nadji lom ke nè mpa to tar ke tokoro.
33Sésè oulaidjé leo ta doudjou Jean, nè mpa tar nadji tar ke tokoro.
34Tar nadji ke ma mo ï ta doou té ang. Ma mpa né nèn maresè, baa ta kare sésè a kasidjé kinga kadji.
35Jean to lampe ke pourou to mè té ke ndokoo. Sésè ndikidjé ta kisi ngadji ke koukou mè lokarè té la.
36A ma misi ke tar nadji wota tar lo Jean, mbata koula ke Bòi Allah arem ta da, koula ndja ke mam nda pa tar nadji lom ke Bòi Allah oulam.
37Bòi Allah ke oulam, nè mpa tar nadji lom mba. Sésè nai woidjé tè ndò kada ang, sésè nai woidjé rè ang.
38Tar la isi mèsè té ang, mbata sésè woidjé mèsè té ang ke nè ke Allah oulè.
39Sésè esangidjé maketourou lo Allah, mbata sésè edjidjé sésè éhdjé ke tébé ke ke ndò ke ndò mè té, ke to yéh nèn ke pa tar nadji lom.
40A sésè ndikidjé ta dé rom té ang, baa ta kare sésè asidjé kinga tébe.
41Ma minga piti lo dooudjé ang.
42Mam ngeré ndiki lo Allah to mèsè té ang.
43Mam ndé ke ri Bòi, a sésè etaamdjé ang, tokou mare doou a dé ke ria ndja, sésè a tèèdjé.
44Sésè asidjé ko mèsè té to di wa, sésè ke etaaidjé piti lo doou horosè té, sésè ke esangidjé piti ke ï rò Allah té kadaba ang?
45Epaidjé mèsè té ang, ma mao ta koun dòsè rò Bòi Allah té. Nè ke noun dòsè nto Moïse ndja, nè ke sésè oundaidjé mèsè dè té.
46Mbata tokou sésè woidjé tar lo Moïse, sésè a koidjé tar lom, mbata nè mpa tar lom maketourou té.
47A tokou sésè woidjé tar maketourou la ang, sésè a koidjé tar lom to di wa?
Sélection en cours:
Jean 5: KL1960
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 1960, 2018.
To learn more or sign up for email updates about the mission of BFBS, click here: