Johane 4
4
Jesu mbwaakaambaula amukaintu mu-Samariya
1 #
Joh 3:22,26 Eno Mwami naakaziba kuti ba-Farisi bakamvwa kuti Jesu wali kucita akubapatizya basikwiiya banjibanji kwiinda Johane, 2#1 Kor 1:17(Nokuboobo tali Jesu mwini uwali kubapatizya, pele basikwiiya bakwe), 3wakazwa muJudaya, wakabweeda alimwi ku-Galilaya. 4#Lk 9:52Eno wakali kweelede kwiinda mu-Samariya. 5#Matl 33:19; 48:22; Jos 24:32Elyo wakasika kumunzi wa-Samariya, uutegwa Sukari, afwaafwi kucisi eco Jakobo ncaakapa mwanaakwe Josefa, 6ecikala ca-Jakobo cakaliwo awo, Nkaambo kaako Jesu, mbwaakakatede kukweenda kwakwe, wakakala buyo ambali acikala. Lyakali isikati. 7Kwakeza mwanakazi mu-Samariya kuzooteka maanzi. Jesu wakamwaambila kuti, Ndipa nywe. 8(Nkaambo basikwiiya bakwe bakainkide kumunzi kuyooula zyakulya.) 9#Ezr 4:1-5; Neh 4:1-2; Lk 9:53Mwanakazi mu-Samariya wakamwaambila kuti, Cilakonzeka buti, kuti yebo omu-Juda undikumbile cakunywa, mbwendi mu-Samariya? (Nkaambo ba-Juda tabalidi mutiba omwe aba-Samariya). 10#Joh 7:38,39Jesu wakavuwa kuti, Nowali kuzi cipegwa ca-Leza, ayooyo uukwaambila kuti, Ndipa nywe, na nguni, nowamukumbila nguwe, awalo naakupa maanzi aabuumi. 11Mwanakazi wakamwaambila kuti, O mwami, tojisi cakutesya, alimwi cikala ncilamfu, ino maanzi ayo aabuumi uzooateka kuli? 12#Joh 8:53Sena uli mupati kwiinda tateesu Jakobo, uwakatupa cikala eci, mwaali kunywa mwini, abana bakwe, eŋombe zyakwe? 13#Joh 6:58Jesu wakavuwa kuti, Umwi umwi uunywa aya maanzi ulafwa nyota alimwi, 14#Joh 6:27,35; Joh 7:37-39pele oyo uuti nywe maanzi ngenti mupe, tacifwi limbi, pele maanzi ngenti mupe buyooba bulolo bwamaanzi mulinguwe, aatuntumukila kubuumi ubutamani. 15Mwanakazi wakamwaambila kuti, O mwami, ndipa aya maanzi, kuti nkentacifwi limbi nyota, nokuba kuti nkentacibooli kuno kuteka lyoonse. 16Jesu wamwaambila kuti, Koya ukaite mwaalumaako, ayebo uze kokuno. 17Mwanakazi wakavuwa kuti, Nsijisi mwaalumi. Jesu wakamwambila wati, Waamba kasimpe kuti, Nsijisi mwaalumi, 18nkaambo wali kujisi baalumi bosanwe, eno oyo uukukwete sunu tali mwaalumaako, obo waamba kasimpe. 19#1 Kor 14:24,25; Joh 9:17Mwanakazi wakamwaambila kuti, Mwami ndakuziba kuti uli musinsimi. 20#Dt 12:5; Int 122:1-9Bamatateesu bali kukomba mudundu eli, eno nywebo muamba kuti ku-Jerusalemu nkobeelede bantu kuyookombela. 21#Mk 14:58Jesu wakamwaambila kuti, Yoo mwanakazi, ndisyoma, ciindi cileza kuti nomuba mudundu eli, nokuba ku-Jerusalemu, enko nkomuyookombela Taata. 22#2 Bam 17:29-41; Is 2:3Mulakomba ncomutezi, swebo tulakomba eco ncotuzi, nkaambo lufutuko luzwa kuba-Juda. 23Pele ciindi cilasika, ncencico cino, abakomba cakasimpe ncobayoomukomba Taata mumuuya amubwini, nkaambo mbambabo abo mbayanda Taata, kuti babe basikumukomba. 24#Rom 12:1; 2 Kor 3:17Leza ngo-Muuya, eno abamukomba balyeelede kumukomba mumuuya amubwini. 25#Joh 1:41Mwanakazi wakamwaambila kuti, Ndilizi kuti Mesiya uleza (uutegwa Kristo), asika uyootupandulwida zintu zyoonse. 26#Joh 9:37; 10:25Jesu wakamwaambila kuti, Ede kai, ndime Mesiya.
27Mpoonya abalo basikwiiya bakwe bakasika, eno bakagambwa kuti ulaambaula amwanakazi, nokuboobo takukwe naba omwe uwakamubuzya kuti, Ukumbilanzi, nokuba kuti, Uambanzi awalo? 28Nkaambo kaako mwanakazi wakasia nongo yakwe, wakainka kumunzi ukuyooambila bantu kuti, 29Kamuboola, mukabone muntu uwandyaambila zintu zyoonse nzendakacita, inga kali ngo-Kristo? 30Nkabela bakazwa mumunzi ukuya kulinguwe. 31Nciconya eco ciindi basikwiiya ncobakamukombelela kuti, Rabi, kolya. 32#Joh 4:34Pele wakabaambila kuti, Mebo ndijisi cakulya ncomutezi 33Basikwiiya bakaamba umwi amweenzinyina bakati, Sena kuli muntu uwamuletela cakulya? 34#Joh 17:4Jesu wakabaambila kuti, Icakulya cangu nkucita luyando lwayooyo uwakandituma, akulondola milimo yakwe. 35#Mt 9:37; Lk 10:2Sena tamwaambi kuti, Kucili myeezi yone, nkokuya kutebulwe? Amubone, ndamwaambila kuti, Amuvunune meso aanu, mulange mumyuunda, yayuma kale kuti itebulwe, 36Oyo uutebula ulatambula cakuvola, ulatebula micelo iitola kubuumi ubutamani, kuti oyo uusyanga ayooyo uutebula babotelwe antoomwe. 37#Mik 6:15Kalabi aka kalasinizya kakuti, Umwi ulasyanga, uutebula ngumbi. 38Ndakamutuma kuti mutebule eco ncomwatakalima, abakalima mbambi, eno nywebo mwakanjila buyo mumilimo yabo.
39Eno kumunzi oyo banjibanji ba-Samariya bakamusyoma nkaambo kajwi lyamwanakazi ndyaakati, Wandyaambila zintu zyoonse nzendakacita. 40Eno ba-Samariya nobakasika kulinguwe, bakamukumbila kuti akale kulimbabo. Eno wakakala oko mazuba obile. 41Abamwi banjibanji bakamusyoma nkaambo kajwi lyakwe, 42#1 Joh 4:14bakamwaambila mwanakazi kuti, Eno twasyoma, kutaamba kumajwi aako aalo, pele nkaambo twalimvwide tobeni, alimwi twaziba kuti ncobeni oyu ngo-Mununuzi waansi.
Jesu mbwaakaponya mwana amwami
43 #
Mt 4:12
Naakamana ayo mazuba obile wakazwa oko, wakaya ku-Galilaya. 44#Mt 13:57; Mk 6:4; Lk 4:24Nkaambo Jesu mwini wakaamba kuti musinsimi talemekwa mucisi cakwabo, 45#Joh 2:23Eno naakasika mu-Galilaya, ba-Galilaya bakamutambula, nkaambo bakabona zintu zyoonse ezyo nzyaakacita mu-Jerusalemu kuciindi capobwe, nkaambo abalo bakali kwiinkide kupobwe.
46 #
Joh 2:1-11
Alimwi wakasika ku-Kana waku-Galilaya, nkwaakasandula maanzi kuba waim, Eno kwakali umwi muntu mulemu, uli amwana uwakali kuciswa ku-Kapemauma, 47#Lk 7:2Walo naakamvwa kuti Jesu wakazwa ku-Judaya akuboola ku-Galilaya, wakeza kulinguwe, wakamukumbila kuti azoomuponye mwanaakwe, nkaambo wakali afwaafwi akufwa, 48#Joh 2:18; 1 Kor 1:22Elyo Jesu wakamwaambila kuti, Mwatabona zitondezyo amalele, tamukwe nomuti kasyome. 49Oyo muntu mulemu wakamwaambila kuti, O mwami, koboola natanafwa mwanaangu. 50Jesu wakamwaambila kuti, Koya buyo, mwanaako wapona kale, Mwaalumi wakasyoma ijwi ndyaakamwaambila Jesu, mpoonya wakainka. 51#Mt 8:6Naakacili kuya, bazike bakwe bakamucinzya bakati, Mwanaako wapona, 52Nkaambo kaako wakababuzya ciindi ncaakatalika kulimvwa kabotu mwana. Bakati kulinguwe, Ijilo kuciindi cesikati kuciswa kwakamuleka. 53#Lk 19:9; Inc 16:15,31Elyo wisi wakaziba kuti cali ciindi nciconya ncaakamwaambila Jesu kuti, Mwanaako wapona, Awalo mwini wakasyoma, abamuŋanda yakwe boonse, 54#Joh 2:11,23Ngamalele aabili Jesu ngaakacita naakazwa mu-Judaya kuza ku-Galilaya.
Currently Selected:
Johane 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.