Maombolezo Utangulizi
Utangulizi
Kitabu hiki kidogo cha Maombolezo ni mkusanyiko wa tenzi tano, ambamo mwandishi anaomboleza juu ya kuteketezwa kwa Yerusalemu mwaka 586 K.K. Anamnung'unikia Mungu juu ya tukio hilo lakini watu wa Israeli na viongozi wao ndio hasa waliosababisha kuharibiwa kwa Yerusalemu, na wao ndio wanaolaumiwa. Hata hivyo katika maombolezo hayo, watu wanatiwa moyo na kupewa tumaini kwamba Mungu atawasaidia siku za usoni.
Katika ibada za Wayahudi tenzi hizo zilitumiwa wakati wa adhimisho la mfungo wa kila mwaka ambapo walikumbuka kuharibiwa kwa hekalu la kwanza huko Yerusalemu.
Tenzi nne za kwanza katika Kiebrania zimeandikwa kwa kufuata mfumo wa alfabeti 22 za Kiebrania. Kutokana na mpangilio huo, sura 1, 2 na 4 zina aya 22, hali sura ya 3 ina aya 66. Lakini ni jambo la kushangaza pia kwamba sura ya 5 nayo ina aya 22 lakini hazikuandikwa katika mtindo huo wa kuanzia na alfabeti hizo.
Currently Selected:
Maombolezo Utangulizi: BHN
Highlight
Share
Copy
Want to have your highlights saved across all your devices? Sign up or sign in
Biblia Habari Njema kwa Watu Wote (Yenye Vitabu vya Deuterokanoni): Tafsiri ya Ushirikiano wa Makanisa (BHN): Hakimiliki -1995, 2001: kwa Chama cha Biblia cha Tanzania na Chama cha Biblia cha Kenya. Haki zote zimehifadhiwa.