Joni MAKANI ATAANSHI
MAKANI ATAANSHI
Makani Abotu akalemba Joni alasansulula Jesu ayi ndyeLiswi lyakwe Lesa lya muyayayaya ilyo “lyakaba muntu akwisa mukwikala pakati kesu.” Mbuli libuku liine mbolisansulula, Makani Abotu aya akalembwa kwaamba ayi beshibakanoolibelenga bakashome ayi Jesu ngoMupulushi wakashomeshekwa, Mwanaakwe Lesa, alimwi ayi kwiinda mukumushoma, bakabe abuumi butamaani (20:31).
Kuswa busansulushi butaanshi ubo bwiimika Jesu ayi ndyeLiswi lyakwe Lesa lya muyayayaya, cipansha citaanshi ca Makani Abotu cilicite shaankamiko shitondesha ayi Jesu ngoMupulushi wakashomeshekwa, Mwanaakwe Lesa. Kuboolaawo mbusansulushi bwa sheesho shakayubululwa kwiinda mushaankamiko. Cipansha ca libuku ici momucanika makani atondesha bantu bamwi mbobakashoma muli Jesu akuba bashikwiiya alimwi abamwi mbobakapikisha akukaka kumushoma. Munyinsa ya 13—17 muli makani aamba bushicibusa bwiine bwiine bwakalinga pakati kakwe Jesu abashikwiiya bakwe ayo akabandikwa mashiku eenka ngobakamucatilaawo akumwaanga, alimwi amaswi akubayuminisha akwaamba ayi balibambile bushiku bwakupopwa pamucilingano kwakwe kabutana kushikila. Shipansha shakweelaako muli makani ambuli Jesu mbwakacatwa akwaangwa, mbwaakoomboloshekwa, mbwaakapopwa pamucilingano, mbwaakabushikwa kuswa kubafu alimwi ambwaakaboneka kubashikwiiya bakwe ndyaakabushikwa kuswa kubafu.
Libuku lyakwe John liliimfwi pacikomo ca cipo ca buumi butamaani bucanwa kwiinda muli Klistu, cikonsha kutalika sunu bulya, alimwi cipekwabo baabo basumina ayi Jesu njenshila, ndolushinisho, alimwi mbobuumi. Cikondelesha bunene kumulembi uyu nshikoshanyo sha shintu nshetubona lyoonse shambuli maanshi, shinkwa, mumuni, mweembeshi ambelele shakwe, alimwi amuunda wa minyansa ashisepo shicataako nshaasebensesha kwaamba buumi bwa mumushimu.
Mundando wa Shiliimo amoshicanika
Maswi ataanshi 1:1-18
Joni Mubombeki abashikwiiya bakwe Jesu bataanshi 1:19-51
Jesu mbwaakashimikila kubantu baanji 2:1—12:50
Nshiiku shakweelaako muJelusalemu akufwaafwi 13:1—19:42
Kubushikwa kuswa kubafu akuboneka kwa Mwaami Jesu 20:1-31
Maswi akweelaako ndyaakaboneka lyabili muGalili 21:1-25
Currently Selected:
Joni MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.