MATTEW 14
14
Kapitlu 14
Il-martirju ta’ Ġwanni l-Battista
(Mk 6,14-29; Lq 9,7-9)
1Kien dik il-ħabta li Erodi t-tetrarka sama’ bil-fama ta’ Ġesù, 2u lill-qaddejja tiegħu qalilhom: “Dan Ġwanni l-Battista! Iva, hu, qam mill-imwiet! U minħabba f’hekk il-qawwa tal-mirakli qiegħda taħdem fih!” 3Għax Erodi kien arresta lil Ġwanni, u qaflu l-ħabs u ħallieh hemm minħabba Erodja, mart ħuh Filippu.#Mt 11,2; Lq 3,19-20; Ġw 3,24. #Lev 18,16; 20,21. 4Għax Ġwanni kien jgħidlu: “Inti lil dik ma tistax iżżommha.” 5Ried kieku joqtlu, imma kien jibża’ min-nies, għax kienu jżommuh bi profeta.#Mt 21,26; Lq 1,76; 7,26. 6Mela wasal jum li fih Erodi għalaq sninu, u bint Erodja ħarġet fin-nofs tiżfen, u għoġbot lil Erodi; 7għalhekk wegħedha taħt ġurament li jagħtiha kulma titolbu. 8U hi, mogħwija minn ommha, qaltlu: “Agħtini issa stess ras Ġwanni l-Battista fuq platt.” 9Is-sultan tnikket, iżda minħabba l-ġurament li ħa u l-mistednin tiegħu ordna li tingħatalha. 10U bagħat jaqta’ ras Ġwanni fil-ħabs. 11U ġiebu rasu fuq platt u tawha lit-tfajla, u din ħaditha lil ommha. 12Imbagħad id-dixxipli tiegħu ġew, ħadu l-ġisem tiegħu u difnuh, u marru jagħtu l-aħbar lil Ġesù.
Ġesù jitma’ ħamest elef ruħ
(Mk 6,30-44; Lq 9,10-17; Ġw 6,1-13)
13Meta sama’ l-aħbar, Ġesù telaq minn hemm bid-dgħajsa u mar waħdu f’post imwarrab. Imma n-nies semgħu fejn mar, u telqu warajh bil-mixi mill-ibliet. 14Xħin niżel l-art mid-dgħajsa ra kotra kbira ta’ nies u tħassarhom, u fejqilhom il-morda tagħhom. 15Xħin sar filgħaxija d-dixxipli tiegħu resqu lejh u qalulu: “Dan post imwarrab, u l-ħin għamel sewwa. Ibgħathom lin-nies, ħa jmorru fl-irħula jixtru x’jieklu.” 16Imma Ġesù qalilhom: “Ma għandhomx għalfejn imorru; agħtuhom intom x’jieklu.” 17U huma qalulu: “Hawn ma għandniex ħlief ħames ħobżiet u żewġ ħutiet.”#Mt 15,34; Mk 8,5. 18“Ġibuhomli hawn,” qalilhom. 19Imbagħad ordna lin-nies biex joqogħdu bilqiegħda fuq il-ħaxix; ħa l-ħames ħobżiet u ż-żewġ ħutiet, rafa’ għajnejh lejn is-sema, bierek, qasam il-ħobżiet u tahom lid-dixxipli, u d-dixxipli newluhom lin-nies.#Mt 15,35-39; Mk 8,6-10. 20U kulħadd kiel u xaba’, u ġabru l-bċejjeċ li kien fadal u mlew bihom tnax-il qoffa.#2 Slat 4,43-44. 21U kienu madwar ħamest elef raġel dawk li kielu, barra n-nisa u t-tfal.
Ġesù jimxi fuq l-ilma
(Mk 6,45-52; Ġw 6,16-21)
22U minnufih ġiegħel lid-dixxipli jitilgħu fuq id-dgħajsa u jmorru qablu x-xatt l-ieħor, sakemm jibgħat lin-nies. 23Wara li bagħat lin-nies, tela’ waħdu fuq l-għoljiet biex jitlob. Xħin sar filgħaxija kien għadu hemm fuq, waħdu;#Lq 6,12; 9,28. 24id-dgħajsa kienet diġà f’nofs il-baħar titħabat mal-mewġ, għax kellhom ir-riħ kontra tagħhom. 25Fir-raba’ sahra#14,25: Fir-raba’ sahra: jiġifieri bejn it-tlieta u s-sitta ta’ filgħodu. tal-lejl mar lejn in-naħa tagħhom miexi fuq il-baħar. 26Huma rawh miexi fuq il-baħar u twerwru. “Dan xi fantażma!” qalu; u qabdu jgħajtu bil-biża’.#Lq 24,37. 27Iżda hu minnufih kellimhom u qalilhom: “Agħmlu l-qalb, jiena hu, tibżgħu xejn!” 28Wieġeb Pietru u qallu: “Mulej, jekk huwa int, ordnali niġi ħdejk fuq l-ilma.” 29“Ejja,” qallu Ġesù. Pietru niżel mid-dgħajsa, u qabad jimxi fuq l-ilma u jersaq lejn Ġesù. 30Iżda meta ra li r-riħ kien qawwi, baża’, ħabat jegħreq, u beda jgħajjat u jgħid: “Salvani, Mulej!” 31Malajr Ġesù medd idu u qabdu: “Bniedem ta’ fidi żgħira,” qallu, “għaliex iddubitajt?”#Mt 8,26. 32Meta mbagħad it-tnejn telgħu fid-dgħajsa, ir-riħ waqaf.#Mk 4,39. 33Dawk li kienu fid-dgħajsa nxteħtu jqimuh u qalulu: “Tassew, int Bin Alla!”#Mt 16,16; 26,63; 27,54; Mk 14,61; 15,39; Lq 22,70; Ġw 1,49.
Ġesù jfejjaq il-morda f’Ġennesaret
(Mk 6,53-56)
34Qasmu għan-naħa l-oħra u marru fl-art ta’ Ġennesaret#14,34: Ġennesaret: il-ġnien tal-prinċpijiet, il-wita għammiela fuq il-Majjistral tal-għadira tal-Galilija.. 35In-nies ta’ hemm għarfuh, u xerrdu l-aħbar ma’ dawk l-inħawi kollha. Bdew iressqulu quddiemu l-morda kollha 36u jitolbuh iħallihom imissulu mqar tarf il-libsa; u dawk kollha li messewh fiequ.#Mt 9,20-21; Mk 5,27-28; Lq 8,44.
Currently Selected:
MATTEW 14: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.